اقش پرەزيدەنتى دونالد ترامپ 13 مامىر كۇنى تاڭەرتەڭ ساۋد ارابياسىنا باردى. ەر-رياد اۋەجايىندا ترامپتى ساۋد ارابياسىنىڭ تاق مۇراگەرى مۇحاممەد بين سالمان حانزادا تۇلپارمەن كۇتىپ الدى، دەپ حابارلايدى “ادىرنا” ۇلتتىق پورتالى.
بۇل – ترامپتىڭ بيىل قاڭتاردا پرەزيدەنت قىزمەتىنە كىرىسكەننەن كەيىنگى شەتەلگە جاساعان ەكىنشى جانە العاشقى رەسمي ساپارى. بۇعان دەيىن ول ءساۋىر ايىنىڭ اياعىندا ۆاتيكاندا ريم پاپاسىن جەرلەۋ راسىمىنە قاتىسقان ەدى.
ساۋد ارابياسىنا ساپارى بارىسىندا ترامپ تاق مۇراگەرى مۇحاممەد بين سالمان حانزادامەن كەلىسسوز جۇرگىزىپ، ينۆەستيتسيالىق فورۋمعا قاتىسادى. سارسەنبى كۇنى ترامپ قاتارعا، ال بەيسەنبى كۇنى بىرىككەن اراب امىرلىكتەرىنە ساپارمەن بارادى دەپ جوسپارلانعان.
Reuters اگەنتتىگىنىڭ حابارلاۋىنشا، بۇل ساپاردىڭ باستى تاقىرىبى – ەكونوميكالىق جانە ساۋدا قاتىناستارى بولماق، ال گازا سەكتورىنداعى سوعىس نەمەسە يراننىڭ يادرولىق باعدارلاماسى ماسەلەلەرى تالقىلانبايدى. ساۋد ارابياسىنا ەڭ ءىرى كاسىپكەرلەر توبى قوسا بارعان، ولاردىڭ اراسىندا Blackrock جانە Blackstone حولدينگتەرىنىڭ باسشىلارى، سونداي-اق ترامپ اكىمشىلىگىنىڭ شەنەۋنىگى مارتەبەسىنە يە الەمدەگى ەڭ باي ادام يلون ماسك تا بار.
