اقمولا وبلىسىنىڭ 6 ستۋدەنتى «قازاقستان رەسپۋبليكاسىنىڭ كوللەدجدەرىنىڭ ۇزدىك 100 ستۋدەنتى»تىزىمىنە ەندى

​وقۋ-اعارتۋ ءمينيسترى عاني بەيسەمباەۆ «قازاقستان رەسپۋبليكاسىنىڭ كوللەدجدەرىنىڭ ۇزدىك 100 ستۋدەنتى» رەسپۋبليكالىق بايقاۋىنىڭ جەڭىمپازدارىن ماراپاتتادى. ىرىكتەۋ كەزەڭدەرىنىڭ قورىتىندىسى بويىنشا وڭىرلەردە 200 ستۋدەنت رەسپۋبليكالىق تۋرعا ءوتتى، ونىڭ 100-ءى ماراپاتقا يە بولدى. بايقاۋ ەلىمىزدىڭ تۇكپىر-تۇكپىرىنەن ەڭ ۇزدىك، تالانتتى جانە دارىندى كوللەدج ستۋدەنتتەرىن جينادى. ​بايقاۋ العاش رەت وتكىزىلىپ وتىر، باستى ماقسات - ەكونوميكانىڭ ءتۇرلى سالالارى ءۇشىن بىلىكتى مامانداردىڭ كادرلىق رەزەرۆىن قالىپتاستىرۋ. جارىسقا تەحنيكالىق جانە كاسىپتىك ءبىلىم بەرۋ ۇيىمدارىنان بارلىعى 2 مىڭنان استام ستۋدەنت قاتىستى. ​بايقاۋ جەڭىمپازدارى «قازاقستان رەسپۋبليكاسىنىڭ كوللەدجدەرىنىڭ ۇزدىك 100 ستۋدەنتى» دەرەكتەر بازاسىنا ەنگىزىلىپ، ولاردىڭ بارلىعى جۇمىسقا ورنالاسۋعا ىقپال ەتەتىن ارنايى سەرتيفيكاتتارمەن تابىستالدى. سونداي-اق ۇزدىك جوبالاردى ىسكە اسىرۋ ءۇشىن قولداۋ كورسەتىلەتىن بولادى. ​جانتايقوجا اللان ەرانۇلى – «كوكشەتاۋ قالاسى، جوعارى تەحنيكالىق كوللەدجى» مكقك ​ايتەن التىناي ساماتقىزى – «كوكشەتاۋ قالاسى، اقان سەرى اتىنداعى جوعارى مادەنيەت كوللەدجى» مكقك ​ەسەنعازى بەكجان سايرانۇلى – «ازاماتتىق قورعانىس جوعارى كوپسالالى كوللەدجى» ​قابدوش احاتىر ەربولاتۇلى – «ج. مۋسين اتىنداعى كوكشەتاۋ جوعارى قازاق پەداگوگيكالىق كوللەدجى" مكقك ​پريادكو گريگوري سەرگەەۆيچ – «ورمان شارۋاشىلىعى، ەكولوگيا جانە تۋريزم جوعارى كوللەدجى، ششۋچينسك قالاسى» مكقك ​بەلەنەتس كارولينا ۆيكتوروۆنا – «جوعارى تەحنيكالىق كوللەدج، ششۋچينسك قالاسى» مكقك