استاناداعى ۇلتتىق گوسپيتال دارىگەرلەرى سارا نازارباەۆانىڭ ەمدەلىپ جاتقانىن راستادى، دەپ حابارلايدى "ادىران" ۇلتتىق پورتالى.
الايدا مەديتسينا قىزمەتكەرلەرى بۇرىنعى پرەزيدەنتتىڭ جۇبايىنىڭ ناقتى دياگنوزى، دەنساۋلىق جاعدايى مەن قولدانىلىپ جاتقان ەمدەۋ تاسىلدەرى تۋرالى مالىمەت بەرۋدەن باس تارتتى. دارىگەرلەردىڭ ايتۋىنشا، بۇل – ناۋقاستىڭ جەكە ءومىرىن قورعاۋعا باعىتتالعان زاڭدى شەشىم.
"بۇل اقپارات قۇپيا بولىپ تابىلادى. پاتسيەنتتىڭ كەلىسىمىنسىز ونىڭ دەنساۋلىعىنا قاتىستى قانداي دا ءبىر مالىمەت جاريالانبايدى", — دەپ مالىمدەدى ۇلتتىق گوسپيتال وكىلدەرى.
ايتا كەتەيىك، سارا نازارباەۆا – قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ جارى، قوعام قايراتكەرى جانە «بوبەك» قورىنىڭ نەگىزىن قالاۋشى.
5 مامىردا سارا نازارباەۆانىڭ جاعدايى كۇرت ناشارلاعانى حابارلانعان ەدى.
