بۇگىن، 4 قاڭتاردا Air Astana استاناداعى اۋا رايىنىڭ قولايسىزدىعىنا بايلانىستى رەيستەردىڭ كەشىگەتىنى مەن كەستەدەگى وزگەرىستەر تۋرالى مالىمدەدى، دەپ حابارلايدى “ادىرنا”.
كومپانيانىڭ ءباسپاسوز قىزمەتىنىڭ حابارلاۋىنشا، 4 قاڭتاردا استاناداعى قولايسىز اۋا رايىنا بايلانىستى رەيستەردىڭ روتاتسيالىق كىدىرىسى، سونداي-اق كەستەدەگى وزگەرىستەر جالعاسىپ جاتىر.
بۇعان دەيىن اۋە كومپانياسى Airbus A320neo توبىنداعى ۇشاقتاردا ورىندالاتىن رەيستەردىڭ 3-4 قاڭتارعا قاراعان ءتۇنى ۇشىپ شىعۋعا شەكتەۋ قويىلعاندىقتان كەشىككەنى تۋرالى حابارلاعان بولاتىن.
"اۋەكومپانياسى كەستەنى قالپىنا كەلتىرۋ ءۇشىن بارلىق شارانى قابىلداۋدا، سونىڭ ىشىندە FlyArystan اۋە كومپانياسىنىڭ رەزەرۆتىك ۇشاعىن ىسكە قوسادى. اۋەجايعا بارار الدىندا اۋە كومپانيانىڭ سايتىندا رەيسىڭىزدىڭ مارتەبەسىن تەكسەرۋلەرىڭىزدى سۇرايمىز", - دەلىنگەن حابارلامادا.
