رەسەي اتىستى توقتاتۋ تۋرالى ءۇش كۇندىك ءبىتىمدى كەم دەگەندە 734 رەت بۇزدى. بۇل تۋرالى ۋكراينانىڭ سىرتقى ىستەر مينيسترلىگى مالىمدەدى، دەپ حابارلايدى «ادىرنا» ءتىلشىسى The Telegraph-قا سىلتەمە جاساپ.
مينيستر اندرەي سيبيگانىڭ ايتۋىنشا، بۇنداي ارەكەتتەر جەرگىلىكتى ۋاقىت بويىنشا ءتۇن ورتاسىنان تۇسكە دەيىنگى العاشقى ساعاتتاردا تىركەلگەن. ول سونداي-اق رەسەيلىك كۇشتەردىڭ شىعىس مايداندا بەلسەندى اسكەري وپەراتسيالار جۇرگىزۋىن توقتاتپاعانىن اتاپ ءوتتى.
ۋكراينا تاراپىنىڭ مالىمەتىنشە، اتىستى توقتاتۋ كەلىسىمىنىڭ ءبىرىنشى كۇنىندە رەسەيلىك اسكەرلەر 63 «شابۋىلداۋ وپەراتسياسىن» جۇزەگە اسىعان.
«ءبىز ءپۋتيننىڭ بىرەۋدى الداۋىنا جول بەرمەيمىز. ول سوزىندە تۇرمايدى»،— دەپ جازدى مينيستر X جەلىسىندە.
ەسكە سالايىق، 28 ساۋىردە رەسەي باسشىسى ۆلاديمير پۋتين جەڭىستىڭ 80 جىلدىق مەرەيتويىنا وراي ءبىتىم جاريالاعان ەدى. الايدا ۋكراينا پرەزيدەنتى ۆلاديمير زەلەنسكي بۇل ۇسىنىستى قابىلداماي، ونىڭ ورنىنا 30 كۇندىك وق اتۋدى تولىق توقتاتۋدى تالاپ ەتتى.
