شەرزات پولات ىسىندە سوتتالۋشىلاردىڭ قورعاۋشىلارى پروكۋرور دانا سارسەنبايدى ىستەن شەتتەتۋدى سۇراپ، سوتقا ءوتىنىشحات ءتۇسىردى، دەپ حابارلايدى “ادىرنا” ۇلتتىق پورتالى.
ولار جاۋاپ الۋ بارىسىندا پروكۋرور ايىپتالۋشىعا قىسىم جاسادى دەپ ەسەپتەيدى.
”وزدەرىڭىز كورىپ وتىرسىزدار، پروكۋرور سۇراقتى بۇرمالاپ قويىپ وتىر. پروكۋرور ايىپتالۋشىعا قىسىم جاساپ وتىر”، – دەدى دارحان اسكەنتايدىڭ ادۆوكاتى ەرجانوۆ.
وزگە سوتتالۋشىلاردىڭ قورعاۋشىلارى دا بۇل ءوتىنىشحاتتى قولدادى. ولار پروكۋروردىڭ ءىستى بەيتاراپ قارايتىنىنا كۇمان كەلتىرىپ، وعان سەنىمسىزدىك بىلدىرەتىندەرىن ايتتى.
مەملەكەتتىك ايىپتاۋشى دانا سارسەنباي وتكەن سوت وتىرىسىندا ايتقان «ءبىز جابىرلەنۋشى جاقپەن ءبىر جاقپىز» دەگەن ءسوزىن العا تارتىپ، ءىستى وبەكتيۆتى قاراۋعا كەدەرگى جاسايتىنىن مالىمدەدى. ادۆوكاتتاردىڭ سوزىنشە بۇل مەملەكەتتىك ايىپتاۋشى ايتاتىن ءسوز ەمەس. «پروكۋرور سارسەنباي بىزگە مىسقىلداپ وتىر، ىشتەي سويلەپ وتىر. مىسقىلداماسىن، ءبىزدىڭ دە جاعدايىمىز وڭاي ەمەس»، — دەدى ايىپتالۋشى دارحان اسكەنتايدىڭ اپكەسى. سوت وتىرىسىندا پروكۋرور دانا سارسەنباي قورعاۋشىلاردىڭ وزىنە قاتىستى ايتقان سوزگە قاتىستى پىكىر ءبىلدىردى. «مەنىڭ ەموتسيالىق جاعدايىم تۋرالى ايتىپ جاتىر. بىراق ولار ونى قايدان بىلەدى؟ مەن ونىمەن بىرگە تۇرمايمىن عوي»، – دەدى پروكۋرور. سونداي-اق، سارسەنباي جابىرلەنۋشى تاراپ ەمەس، ايىپتاۋ تارابىنىڭ وكىلى ەكەنىن اتاپ ءوتتى. «مەن جابىرلەنۋشى جاقپەن ەمەس، ايىپتاۋشى جاقپەن بىرگە ەكەنىمدى ايتتىم. شاتاستىرماڭىزدار»، – دەپ اتاپ ءوتتى ول.پروكۋرور سوتتالۋشىلار ادۆوكاتتاردىڭ پىكىرىمەن كەلىسپەدى. ول ءوتىنىشحات نەگىزسىز دەپ اتادى. جابىرلەنۋشى وكىلدەرى سوتتان ايىپتالۋشى تاراپ قورعاۋشىلارىنىڭ ءوتىنىشىن قاناعاتتاندىرۋدان باس تارتۋدى سۇرادى. سوت شەشىم شىعارۋ ءۇشىن كەڭەسۋ بولمەسىنە ۇزىلىسكە شىقتى.
