بۇگىن، 5 مامىردا اقش پرەزيدەنتى دونالد ترامپ تۇركيا باسشىسى رەجەپ تايىپ ەردوعانمەن تەلەفون ارقىلى سويلەستى. بۇل تۋرالى اق ءۇي باسشىسى Truth Social جەلىسىندەگى پاراقشاسىندا جازدى، دەپ حابارلايدى «ادىرنا» ءتىلشىسى.
«ەردوعانمەن ۋكراينا، سيريا جانە گازا سەكتورىنداعى جاعدايدى، سونداي-اق باسقا دا جاھاندىق ماسەلەلەردى تالقىلادىق. ءبىز ناتيجەلى اڭگىمە قۇردىق. تۇركيامەن رەسەي مەن ۋكراينا اراسىنداعى ولىمگە اكەلەتىن سوعىستى توقتاتۋ ماقساتىندا ىنتىماقتاستىق ورناتامىز دەپ ويلايمىن»،—دەدى ترامپ.
اقش پرەزيدەنتىنىڭ ايتۋىنشا، ەردوعان ونى تۇركياعا شاقىرعان.
