اتىراۋدا مەملەكەتتىك تۋمەن سۋرەتكە تۇسكەن نيقابتاعى قىزدار اكىمشىلىك جاۋاپكەرشىلىككە تارتىلدى. بۇل تۋرالى باس پروكۋرور بەرىك اسىلوۆ دەپۋتاتتاردىڭ ساۋالىنا بەرگەن جاۋابىندا ايتتى، دەپ حابارلايدى «ادىرنا» ءتىلشىسى.
ول ءتورت قىزدىڭ ەكەۋىنىڭ اناسىنا اكىمشىلىك ايىپپۇل سالىنعانىن اتاپ ءوتتى.
«اتىراۋ وبلىسىنداعى وقيعا بويىنشا زاڭعا قايشى əرەكەت جاساعان 4 قىز سوتپەن اكىمشىلىك قۇقىق بۇزۋشىلىق تۋرالى كودەكستىڭ 434-بابىنىڭ 1-بولىگىمەن (ۇساق بۇزاقىلىق) əكىمشىلىك جاۋاپكەرشىلىككە تارتىلدى. انىقتاما ءۇشىن: ف.ق. ايتقالي (78 640 تەڭگە ايىپپۇل), ع.ق. حالمۇرات (زاڭدى وكىلى اناسىنا 39 320 تەڭگە ايىپپۇل), ن.ا. اسىلبەك (زاڭدى وكىلى اناسىنا 39 320 تەڭگە ايىپپۇل), م.ك. نۇركەشەۆا (15 تəۋلىككە əكىمشىلىك قاماق)»،—دەپ ءتۇسىندىردى اسىلوۆ.
باس پروكۋراتۋرانىڭ مالىمەتىنشە، اتالعان فاكتى بويىنشا 2025 جىلعى 27 ناۋرىزدا اتىراۋ قالاسىنىڭ پوليتسيا باسقارماسى قىلمىستىق كودەكستىڭ 372-بابىمەن (مەملەكەتتىك رəمىزدەردى قورلاۋ) سوتقا دەيىنگى تەرگەپ-تەكسەرۋدى باستاعان.
«قىلمىستىق ءىس شەڭبەرىندە ءتيىستى ساراپتاما تاعايىندالدى. ولاردىڭ نəتيجەلەرى بويىنشا قۇقىقتىق باعا بەرىلىپ، قىلمىستىق ءىس بويىنشا پروتسەستىك شەشىم قابىلداناتىن بولادى»،—دەپ تولىقتىردى بەرىك اسىلوۆ.
ەسكك سالايىق، بۇعان دەيىن مەملەكەتتىك تۋعا ارابشا جازۋ جاپسىرىپ سۋرەتكە تۇسكەن ءتورت قىزدىڭ ارەكەتى قوعامدا ۇلكەن نارازىلىق تۋدىرعان ەدى. كەيىننەن فوتونىڭ اتىراۋداعى مۇز سارايىندا تۇسىرىلگەنى بەلگىلى بولدى.
