Atyrauda memlekettık tumen suretke tüsken niqabtaǧy qyzdar äkımşılık jauapkerşılıkke tartyldy. Būl turaly Bas prokuror Berık Asylov deputattardyŋ saualyna bergen jauabynda aitty, dep habarlaidy «Adyrna» tılşısı.
Ol tört qyzdyŋ ekeuınıŋ anasyna äkımşılık aiyppūl salynǧanyn atap öttı.
«Atyrau oblysyndaǧy oqiǧa boiynşa zaŋǧa qaişy əreket jasaǧan 4 qyz sotpen Äkımşılık qūqyq būzuşylyq turaly kodekstıŋ 434-babynyŋ 1-bölıgımen (ūsaq būzaqylyq) əkımşılık jauapkerşılıkke tartyldy. Anyqtama üşın: F.Q. Aitqali (78 640 teŋge aiyppūl), Ǧ.Q. Halmūrat (zaŋdy ökılı anasyna 39 320 teŋge aiyppūl), N.A. Asylbek (zaŋdy ökılı anasyna 39 320 teŋge aiyppūl), M.K. Nūrkeşeva (15 təulıkke əkımşılık qamaq)»,—dep tüsındırdı Asylov.
Bas prokuraturanyŋ mälımetınşe, atalǧan faktı boiynşa 2025 jylǧy 27 nauryzda Atyrau qalasynyŋ Polisiia basqarmasy Qylmystyq kodekstıŋ 372-babymen (memlekettık rəmızderdı qorlau) sotqa deiıngı tergep-tekserudı bastaǧan.
«Qylmystyq ıs şeŋberınde tiıstı saraptama taǧaiyndaldy. Olardyŋ nətijelerı boiynşa qūqyqtyq baǧa berılıp, qylmystyq ıs boiynşa prosestık şeşım qabyldanatyn bolady»,—dep tolyqtyrdy Berık Asylov.
Eskk salaiyq, būǧan deiın memlekettık tuǧa arabşa jazu japsyryp suretke tüsken tört qyzdyŋ äreketı qoǧamda ülken narazylyq tudyrǧan edı. Keiınnen fotonyŋ Atyraudaǧy mūz saraiynda tüsırılgenı belgılı boldy.
