بەلگىلى جازۋشى ەرنەست تورەحانوۆ ومىردەن ءوتتى

بۇگىن بەلگىلى جازۋشى  ەرنەست تورەحانوۆ ومىردەن ءوتتى، دەپ حابارلايدى "ادىرنا" ۇلتتىق پورتالى. جازۋشى ەرنەست تورەحانوۆ  1943 جىلى 12 قاراشادا الماتى وبلىسىندا دۇنيەگە كەلگەن. قازاق مەملەكەتتىك ۋنيۆەرسيتەتىنىڭ ورىس فيلولوگياسى فاكۋلتەتىن بىتىرگەن. «لەنينشىل جاس» («جاس الاش») گازەتىنىڭ كوررەكتورى، ادەبي قىزمەتكەرى، جاۋاپتى حاتشىنىڭ ورىنباسارى، ءبولىم مەڭگەرۋشىسى بولعان. ۇزاق جىلدار «جازۋشى»، «جالىن» باسپالارىندا، «قازاقفيلم» كينوستۋدياسىندا جۇمىس ىستەگەن. «ناۋكا ي ۆىسشايا شكولا كازاحستانا» گازەتىنىڭ باس رەداكتورى قىزمەتىن اتقارعان. 1990 جىلدان بەرى حالىقارالىق «قازاق ءتىلى» قوعامىنىڭ ۆيتسە-پرەزيدەنتى، وسى قوعامنىڭ «اق جارىق» - «بەلىي سۆەت» اتتى گازەتىنىڭ باس رەداكتورى قىزمەتىن قوسا اتقارعان. جازۋشىنىڭ العاشقى كىتابى - «ءحانتاڭىرى» دەگەن اتپەن 1978 جىلى جارىق كورگەن. سودان بەرگى ۋاقىتتا «التىن شەڭبەر» پوۆەستەر مەن اڭگىمەلەرى، «تاۋدان تۇسكەن ءىز» پوۆەسى، «ەر كەزەگى» رومان جانە پوۆەسى، «الىستاعى اق قالا»، «الماتىدا كۇن اشىق»، «ەسكەندىر مەن روكسانا» روماندارى شىققان.