بيىل قىرعىزستان سۋارۋ ماۋسىمىندا قازاقستانعا 600 ملن تەكشە مەتردەن استام سۋ جىبەرەدى. بۇل تۋرالى بۇگىن، 28 ساۋىردە سۋ رەسۋرستارى جانە يرريگاتسيا مينيسترلىگى جازدى، دەپ حابارلايدى «ادىرنا» ءتىلشىسى.
سۋارۋ ماۋسىمى باستالعان ءساۋىر ايىنىڭ وزىندە-اق 45 ملن تەكشە مەتر سۋ بەرىلگەن. ءساۋىر ايىنىڭ سوڭىنان باستاپ قىرعىزستان قازاقستانعا تالاس وزەنى ارقىلى تاعى 400 ملن جانە شۋ وزەنى ارقىلى 180 ملن تەكشە مەتر سۋ جىبەرمەك.
«مينيستر نۇرجان نۇرجىگىتوۆ پەن قىرعىز رەسپۋبليكاسىنىڭ مينيسترلەر كابينەتى توراعاسىنىڭ ورىنباسارى – سۋ رەسۋرستارى، اۋىل شارۋاشىلىعى جانە قايتا وڭدەۋ ونەركاسىبى ءمينيسترى باقىت توروباەۆ شۋ جانە تالاس وزەندەرىندەگى مەملەكەتارالىق سۋ شارۋاشىلىعى قۇرىلىمدارىن پايدالانۋ جونىندەگى قازاق-قىرعىز كوميسسياسىنىڭ 35-ءشى وتىرىسىندا وسى جونىندە كەلىسىمگە كەلدى. بۇل سۋ جامبىل وبلىسىنداعى اۋىل شارۋاشىلىعى القاپتارىن سۋارۋعا جۇمسالادى»،—دەلىنگەن حابارلامادا.
