اقش-تىڭ يللينويس شتاتىندا ءبىر موتورلى ۇشاق اپاتقا ۇشىراپ، ءتورت ادام قازا تاپتى، دەپ حابارلايدى “ادىرنا” ۇلتتىق پورتالى.
بۇل تۋرالى 20 ساۋىردە Associated Press (AP) اگەنتتىگى جەرگىلىكتى پوليتسياعا سىلتەمە جاساپ مالىمدەدى.
ۇشاق بورتىندا ەكى ايەل مەن ەكى ەر ادام بولعان.
الدىن الا مالىمەت بويىنشا، اۋە كەمەسى ەلەكتر بەرۋ جەلىسىنە سوعىلىپ، سونىڭ سالدارىنان اپاتقا ۇشىراعان.
شتات اكىمشىلىگى وقيعانىڭ بارلىق ءمان-جايىن انىقتاۋ ءۇشىن تەرگەۋ جۇمىستارىن باستادى.
