كوكتەمنىڭ العاشقى كۇندەرىمەن بىرگە حالقىمىزدىڭ جۇرەگىنە جىلۋلىق پەن ءۇمىت سىيلايتىن ۇلىق مەرەكە – ناۋرىز بيىل ەرەكشە سيپاتقا يە بولدى. ناۋرىزدى جاڭاشا تۇردە قارسى الۋدى ۇسىنعان TikTok پلاتفورماسى #ناۋرىز2025 اتتى ونلاين-فەستيۆال ۇيىمداستىرىپ، ۇلتتىق قۇندىلىقتاردى دارىپتەۋدىڭ تىڭ ۇلگىسىن كورسەتتى.
بۇل جوبا قازاقستان حالقىنىڭ بىرلىگى مەن شىعارماشىلىعىن ناسيحاتتاۋعا باعىتتالعان. ناۋرىز ايىنىڭ ورتاسىنان باستاۋ العان ونلاين-فەستيۆال ەلىمىزدىڭ تۇكپىر-تۇكپىرىنەن مىڭداعان قولدانۋشىنى بىرىكتىرىپ، اركىم ءوز ءوڭىرىنىڭ ەرەكشەلىگىن كورسەتىپ، مەرەكەلىك كوڭىل كۇيمەن ءبولىستى. TikTok-تىڭ بۇل باستاماسى ۇلتتىق ءداستۇر مەن زاماناۋي تەحنولوگيانى ۇيلەستىرە وتىرىپ، جاستاردىڭ ءتول مادەنيەتكە قىزىعۋشىلىعىن ارتتىرۋدا ماڭىزدى ءرول اتقاردى.
مەملەكەتتىك قولداۋ – جوبانىڭ ءمانىن ارتتىردى
بۇل ناۋقان قر مادەنيەت جانە اقپارات مينيسترلىگى، قر عىلىم جانە جوعارى ءبىلىم مينيسترلىگى، قر تۋريزم جانە سپورت مينيسترلىگى، سونداي-اق “Kazakh Tourism” ۇلتتىق كومپانياسى مەن TikTok-تاعى تانىمال كونتەنت اۆتورلارىنىڭ قولداۋىمەن جۇزەگە استى. بۇل ءوز كەزەگىندە جوبانىڭ اۋقىمىن كەڭەيتىپ، مازمۇنىن تەرەڭدەتە ءتۇستى.
فەستيۆالدىڭ قورىتىندى كەشى 18 ءساۋىر كۇنى ساعات 17:00-دە الماتى قالاسىندا، مەدەۋ اۋدانى، بۇزىرباەۆ كوشەسى، 23 مەكەنجايىنداعى “ۆەچنوە نەبو” مەيرامحاناسىندا ءوتتى.
قورىتىندى كەش اياسىندا قاتىسۋشىلار:
- ەڭ ۇزدىك بەينەروليكتەردى تاماشالاپ،
- TikTok پەن سەرىكتەس ۇيىمداردىڭ قۇتتىقتاۋلارىن تىڭداپ،
- كونتەنت جاساۋ بويىنشا شەبەرلىك ساعاتتارىنا قاتىسىپ،
- مەرەكەلىك كەشكى اس پەن ۇلتتىق سىيلىقتارعا يە بولدى.
ايدانا قۇساينوۆا
ۇقساس جاڭالىقتار
