15 ساۋىردەن باستاپ “ازات ەۋروپا / ازاتتىق راديوسىنىڭ” قۇرامىنا كىرەتىن ورىس قىزمەتى — “راديو سۆوبودا” ورتا تولقىنداعى 1386 كگتس جيىلىكتە راديوحابار تاراتۋدى ۋاقىتشا توقتاتتى، دەپ حابارلايدى “ادىرنا” ۇلتتىق پورتالى.
بۇل تۋرالى اقپارات راديوستانتسيانىڭ رەسمي سايتىندا جاريالاندى. الايدا حاباردىڭ قانشا ۋاقىتقا توقتايتىنى ناقتى ايتىلماعان.
اتالعان شەشىم اقش-تىڭ فەدەرالدىق وكرۋگتىك سوتىندا ءوتىپ جاتقان تىڭداۋلارمەن بايلانىستى. قازىر “ازات ەۋروپا / ازاتتىق راديوسى” مەدياكورپوراتسياسى ءوزىنىڭ قامقورشىلىق ۇيىمى — اقش-تىڭ جاھاندىق مەديا اگەنتتىگىنەن (USAGM) كونگرەسس بولگەن 75 ميلليون دوللاردى اۋدارۋدى تالاپ ەتىپ جاتىر.
بۇعان دەيىن، ناۋرىز ايىندا اقش پرەزيدەنتى دونالد ترامپ مەملەكەتتىك مەكەمەلەردىڭ قىزمەتىن قىسقارتۋ تۋرالى جارلىققا قول قويعان ەدى. سونىڭ ىشىندە USAGM دە بار. 15 ناۋرىزدا اگەنتتىكتىڭ جاڭا اكىمشىلىك تاعايىنداعان ۋاقىتشا باسشىلىعى قارجىلاندىرۋدى ۋاقىتشا توقتاتىپ، كەيىن سوت شەشىمىمەن تولەمدەردى ءىشىنارا قايتا جانداندىردى.
ءساۋىردىڭ باسىندا USAGM “ازات ەۋروپا / ازاتتىق راديوسىنىڭ” ورىس تىلىندەگى باعدارلامالارىن تاراتاتىن سپۋتنيكتىك قىزمەتتەردى دە وشىرگەن. بۇل “ناستوياششەە ۆرەميا” تەلەارناسىنىڭ رەسەي، ۋكراينا، ورتالىق ازيا جانە شىعىس ەۋروپاعا باعىتتالعان تاۋلىك بويعى حابار تاراتۋىنا اسەر ەتتى.
