15 sáýirden bastap “Azat Eýropa / Azattyq radıosynyń” quramyna kiretin orys qyzmeti — “Radıo Svoboda” orta tolqyndaǵy 1386 KG jıilikte radıohabar taratýdy ýaqytsha toqtatty, dep habarlaıdy “Adyrna” ulttyq portaly.
Bul týraly aqparat radıostanııanyń resmı saıtynda jarııalandy. Alaıda habardyń qansha ýaqytqa toqtaıtyny naqty aıtylmaǵan.
Atalǵan sheshim AQSh-tyń Federaldyq okrýgtik sotynda ótip jatqan tyńdaýlarmen baılanysty. Qazir “Azat Eýropa / Azattyq radıosy” medıakorporaııasy óziniń qamqorshylyq uıymy — AQSh-tyń Jahandyq medıa agenttiginen (USAGM) kongress bólgen 75 mıllıon dollardy aýdarýdy talap etip jatyr.
Buǵan deıin, naýryz aıynda AQSh prezıdenti Donald Tramp memlekettik mekemelerdiń qyzmetin qysqartý týraly jarlyqqa qol qoıǵan edi. Sonyń ishinde USAGM de bar. 15 naýryzda agenttiktiń jańa ákimshilik taǵaıyndaǵan ýaqytsha basshylyǵy qarjylandyrýdy ýaqytsha toqtatyp, keıin sot sheshimimen tólemderdi ishinara qaıta jandandyrdy.
Sáýirdiń basynda USAGM “Azat Eýropa / Azattyq radıosynyń” orys tilindegi baǵdarlamalaryn taratatyn spýtnıktik qyzmetterdi de óshirgen. Bul “Nastoıaee Vremıa” telearnasynyń Reseı, Ýkraına, Ortalyq Azııa jáne Shyǵys Eýropaǵa baǵyttalǵan táýlik boıǵy habar taratýyna áser etti.
