بوكستان الەم چەمپيونى اتانعان ايدا ابىكەەۆاعا قاراعاندى وبلىستىق بوكس فەدەراتسياسى اۆتوكولىك مىنگىزدى. بۇل تۋرالى وڭىردەگى فەدەراتسيا مالىمدەدى، دەپ حابارلايدى “ادىرنا” ۇلتتىق پورتالى.
«قاراعاندى وبلىسىنىڭ بوكس فەدەراتسياسى اتىنان كامالۋتين حاليكوۆ الەم چەمپيونى ايدا ابىكەەۆاعا تاماشا سىيلىق – جاڭا اۆتوكولىك تابىستادى. بۇل – ونىڭ ەرەن ەڭبەگى، جىگەرى مەن تاباندىلىعى ءۇشىن لايىقتى ماراپات. ايدانىڭ بۇل جەتىستىگىنە شىن جۇرەكتەن قۋانىپ، قازاقستاندى الەمدىك ارەنادا لايىقتى تانىتىپ جۇرگەن دارىندى سپورتشىمىزبەن ماقتانامىز. بۇل جەڭىس – ۇلكەن جولدىڭ باستاۋى عانا بولسىن، الداعى ماقسات – وليمپيادا التىنى بولعاي!»، - دەپ جازىلعان حابارلامادا.
