«نەمولچي.kz» قورىنىڭ جەتەكشىسى دينا ءتاڭسارى چەرنوگوريادا ۇستالدى. بۇل تۋرالى بەلسەندىنىڭ ءوزى جەلىدەگى پاراقشاسىندا ايتتى، دەپ حابارلايدى «ادىرنا» ءتىلشىسى.
«مەنى پودگوريتسا پوليتسيا بولىمىنە اكەلدى. ەرتەڭ ەكستراديتسيالاۋ بويىنشا سوت وتىرىسى وتەدى. بۇل سوتتىڭ نە شەشەتىنىن بىلمەيمىن. ونىڭ ناقتى جاۋابى ەرتەڭ بەلگىلى بولادى. مەنى نە سەبەپتى قاماۋعا العاندارىنان بەيحابارمىن. دوستار، قولداۋلارىڭىزدى سۇرايمىن»،—دەدى ول.
بەلسەندى استانا ۋاقىتى بويىنشا ساعات 18:00 شاماسىندا قاماۋعا الىنعان. ازىرگە قازاقستان بيلىگى بۇل جاعدايعا قاتىستى تۇسىنىكتەمە بەرگەن جوق.
ايتا كەتەيىك، تۇرمىستىق زورلىق-زومبىلىق كورگەن ايەلدەردى قورعاۋمەن اينالىسىپ تانىلعان دينا ءتاڭسارى 2021 جىلدان بەرى شەتەلدە تۇرادى. بۇعان دەيىن ول ءوزىنىڭ اتىنان ءبىر جىلدا 20-دان اسا قىلمىستىق ءىس قوزعالىپ، قايتا جابىلعانىن مالىمدەدى.
