«NeMolchi.kz» qorynyŋ jetekşısı Dina Taŋsärı Chernogoriiada ūstaldy. Būl turaly belsendınıŋ özı jelıdegı paraqşasynda aitty, dep habarlaidy «Adyrna» tılşısı.
«Menı Podgorisa polisiia bölımıne äkeldı. Erteŋ ekstradisiialau boiynşa sot otyrysy ötedı. Būl sottyŋ ne şeşetının bılmeimın. Onyŋ naqty jauaby erteŋ belgılı bolady. Menı ne sebeptı qamauǧa alǧandarynan beihabarmyn. Dostar, qoldaularyŋyzdy sūraimyn»,—dedı ol.
Belsendı Astana uaqyty boiynşa saǧat 18:00 şamasynda qamauǧa alynǧan. Äzırge Qazaqstan bilıgı būl jaǧdaiǧa qatysty tüsınıkteme bergen joq.
Aita keteiık, tūrmystyq zorlyq-zombylyq körgen äielderdı qorǧaumen ainalysyp tanylǧan Dina Taŋsärı 2021 jyldan berı şetelde tūrady. Būǧan deiın ol özınıŋ atynan bır jylda 20-dan asa qylmystyq ıs qozǧalyp, qaita jabylǧanyn mälımdedı.
