قوياندى اۋىلىننىڭ مەكتەپ-ليتسەيىندە «Jas Tulga» اتتى جاستارمەن ماڭىزدى كەزدەسۋ وتكىزىلدى.
اتالمىش شارا، جاستارعا كاسىبي باعدار بەرۋ، ەڭبەك نارىعىنداعى سۇرانىسقا يە ماماندىقتار تۋرالى اقپاراتتاندىرۋ جانە ادال ەڭبەككە ىنتالاندىرۋ ماقساتىندا وتكىزىلدى. ءىس-شارانىڭ ماقساتى – جاستار اراسىندا ەسىرتكىنىڭ الدىن الۋ، الەۋمەتتىك ماسەلەلەردى شەشۋ، سالاۋاتتى ءومىر سالتىن ناسيحاتتاۋ جانە جاستاردىڭ قوعامداعى بەلسەندىلىگىن ارتتىرۋ بولىپ تابىلادى.
كەزدەسۋگە «Esbol Qory» قوعامدىق قورىنىڭ توراعاسى جانە قر پرەزيدەنتى جانىنداعى جاستار ساياساتى جونىندەگى كەڭەستىڭ مۇشەسى – جاندوس اقتاەۆ، كاسىبي باعدار بەرۋشى PhD كانديداتى، «Dauletten» قايىرىمدىلىق قورىنىڭ پرەزيدەنتى – جاسۇلان قۋاندىق، وبلىستىق جرو باسشىسى – داستان ەرمەكوۆ، اۋداندىق قۇقىق قورعاۋ ورگانداردىڭ وكىلدەرى، مەكتەپ وقۋشىلارى مەن اۋداننىڭ بەلسەندى جاستارى جانە ۇيىمداستىرۋشىلار قاتارى قاتىستى.
داستان امانگەلدىۇلى وڭىردەگى جاستار ءۇشىن قانداي جاڭا جوبالار مەن باستامالار بار ەكەنىن تانىستىرىپ، ۆولونتەرلىك قىزمەت پەن ءوزىن-ءوزى دامىتۋ مۇمكىندىكتەرى تۋرالى ءسوز قوزعادى. سونىمەن قاتار، ناشاقورلىقتىڭ الدىن الۋ، زياندى ادەتتەردەن اۋلاق بولۋ ماسەلەلەرى دە كوتەرىلدى.
«Esbol Qory» قوعامدىق قورىنىڭ توراعاسى – جاندوس بەرىكۇلى جاستارعا ناشاقورلىقتىڭ زيانى مەن ونىڭ سالدارى تۋرالى باياندادى.
قۇقىق قورعاۋ ورگاندارىنىڭ وكىلدەرى زاڭ مەن ءتارتىپتىڭ ساقتالۋى، جاستار اراسىندا ناشاقورلىقتىڭ تارالۋىنىڭ الدىن الۋ شارالارى تۋرالى ايتىپ، قاتىسۋشىلارعا زاڭ بۇزۋشىلىقتىڭ اۋىر سالدارلارى مەن ەسىرتكىنىڭ قوعامعا كەلتىرەتىن زارداپتارى تۋرالى ناقتى مىسالدار كەلتىردى.
«ناشاقورلىق – تەك جەكە ادامنىڭ عانا ەمەس، قوعام دەرتى. ءبىز جاس ۇرپاقتى بۇل زياندى ادەتتەن اۋلاق بولۋعا شاقىرامىز. ەڭ باستىسى - دۇرىس ورتا قالىپتاستىرۋ، جاستاردىڭ بوس ۋاقىتىن ءتيىمدى وتكىزۋىنە جاعداي جاساۋ»، – دەدى سپيكەر.
جاستاردىڭ ءرولى مەن جاۋاپكەرشىلىگى، قوعامداعى بەلسەندىلىكتىڭ ماڭىزدىلىعىن، ەرىكتىلىك پەن ءوزىن-ءوزى دامىتۋ مۇمكىندىكتەرىن تالقىلادى. جاستارعا تەك ءبىلىم الىپ قانا قويماي، سونىمەن قاتار ءتۇرلى الەۋمەتتىك جوبالارعا بەلسەندى قاتىسىپ، ءوز ورتاسىن جاقسارتۋعا ۇلەس قوسۋ قاجەتتىگىن ايتا كەتكەن ءجون.
ماماندىق تاڭداۋ جانە بولاشاققا جوسپار قۇرۋ، جاستار ءۇشىن ەڭ ماڭىزدى تاقىرىپتاردىڭ ءبىرى.
اتالعان باعىت بويىنشا، بولاشاق ماماندىقتى دۇرىس تاڭداۋدىڭ نەگىزگى قاعيدالارى مەن جاڭا زامانعا قاجەتتى كاسىبي باعىتتار تۋرالى، كاسىبي باعدار بەرۋشى PhD كانديداتى، «Dauletten» قايىرىمدىلىق قورىنىڭ پرەزيدەنتى – جاسۇلان بوستاندىقۇلى باياندادى.
«قازىرگى نارىقتا قانداي ماماندىقتار سۇرانىسقا يە؟ جاستار قاي سالانى تاڭداعانى دۇرىس؟ بۇل سۇراقتار ءاربىر تۇلەكتى ويلاندىرادى. ءبىزدىڭ ماقساتىمىز – دۇرىس تاڭداۋ جاساۋى»، – دەدى سپيكەر.
كەزدەسۋ بارىسىندا قاتىسۋشىلار ءوز سۇراقتارىنا جاۋاپ الىپ، تابىستى مامانداردىڭ ومىرلىك تاجىريبەسىمەن تانىستى. ولار وزدەرىن تولعاندىرعان سۇراقتاردى قويىپ، ناقتى جاۋاپ الا الدى.
«كەزدەسۋ جاستار ءۇشىن پايدالى جانە ىنتالاندىرۋشى بولدى دەپ ايتقىم كەلەدى. مۇنداي كەزدەسۋلەر مەن فورۋمدار جاستارعا كاسىبي باعىت بەرىپ، بولاشاقتا دۇرىس قادام جاساۋعا كومەكتەسۋدە ماڭىزدى ءرول اتقارادى. سونىمەن قاتار، فورۋم جاستار اراسىندا زاڭدىلىق پەن ءتارتىپتى ساقتاۋ، جامان ادەتتەردەن اۋلاق بولۋ، سونداي-اق قوعامنىڭ ەسىرتكىگە قارسى كۇرەستەگى كۇش-جىگەرىن ارتتىرۋ ماقساتىندا ۇيىمداستىرىلعان. ءىس-شارا سالاۋاتتى ءومىر سالتىن قولداۋداعى ۇلكەن قادام. سالاۋاتتى ءومىر سالتى - جارقىن بولاشاقتىڭ كەپىلى!» - دەيدى اۋداندىق جرو ديرەكتورىنىڭى م.ا. ماحابات يرەشوۆا.
شارا سوڭىندا اۋدان اكىمىنىڭ العىس حاتتارىمەن جاس ۇرپاقتىڭ بەلسەندى وكىلدەرى ماراپاتتالدى.
تسەلينوگراد اۋدانىنىڭ جاستار رەسۋرستىق ورتالىعى
