12 ءساۋىر كۇنى اتباساردا جول-كولىك وقيعاسى ورىن الىپ، ءتورت ادام جاراقاتتاندى، دەپ حابارلايدى "ادىرنا" ۇلتتىق پورتالى.
Mercedes كولىگى جاياۋ جۇرگىنشىلەردى قاعىپ كەتكەن.كولىكتىڭ استىندا ەكى ەرەسەك ادام مەن ەكى بالا قالعان. ولار جول اپاتى بولعان اۋداننىڭ تۇرعىندارى ەكەنى انىقتالدى.
زارداپ شەككەندەردىڭ اراسىندا التى جاستاعى بالا بار. ول باسىنان جاراقات الىپ، جانساقتاۋ بولىمىنە تۇسكەن.
اقمولا وبلىسى پد ءباسپاسوز قىزمەتى وقيعا تۋرالى Instagram-داعى جازباعا پىكىر رەتىندە جاۋاپ بەرىپ، 12 ءساۋىر كۇنى اتباساردا جول-كولىك وقيعاسى بولعانىن راستادى.
«جول اپاتى سالدارىنان ءتورت جاياۋ جۇرگىنشى ءتۇرلى جاراقاتتارمەن مەديتسينالىق مەكەمەگە جاتقىزىلدى. قىلمىستىق ءىس قوزعالدى. قازىر الدىن الا تەرگەۋ جۇرگىزىلۋدە، ونىڭ ناتيجەسى بويىنشا پروتسەسسۋالدىق شەشىم قابىلدانادى»، – دەدى پوليتسيا وكىلدەرى.
