Kaspi.kz 10 ساۋىردەن باستاپ Kaspi دەپوزيت پەن Kaspi Pay دەپوزيتى بويىنشا سىياقىنىڭ ءتيىمدى مولشەرلەمەسىن 14%-دان 15%-عا دەيىن كوبەيتەدى.
مولشەرلەمە بۇرىن اشىلعان جانە جاڭا دەپوزيت ءۇشىن اۆتوماتتى تۇردە كوبەيەدى. Kaspi.kz دەپوزيتتەرى – ەلىمىزدەگى ەڭ تانىمال دەپوزيتتەردىڭ ءبىرى. قازاقستاندىقتار مەن قازاقستاندىق كومپانيالار Kaspi.kz-كە 6 تريلليون تەڭگەدەن استام قارجىنى سەنىپ تاپسىردى.
Kaspi.kz تۋرالى
Kaspi.kz ميسسياسى – سۇيىكتى كليەنتتەرى مەن سەرىكتەستەرىنىڭ ءومىرىن جاقسارتاتىن يننوۆاتسيالىق ونىمدەر مەن قىزمەتتەر جاساۋ. يننوۆاتسيالىق قىزمەتتەردىڭ نەگىزىندە – 15 ميلليونعا جۋىق قازاقستاندىق قولدانىپ، ەلەكتروندى كوممەرتسيا، تولەمدەر مەن قارجىلىق قىزمەتتەردىڭ الدىڭعى قاتارلى سەرۆيستەرىن بىرىكتىرەتىن ەلدەگى ەڭ تانىمال ءموبيلدى سۋپەرقوسىمشا Kaspi.kz تۇر.
Kaspi.kz سۋپەرقوسىمشاسىنىڭ كومەگىمەن قازاقستاندىقتار تەگىن جەتكىزۋ ارقىلى ونلاين ءتيىمدى ساۋدا جاساپ، كوميسسياسىز تولەمدەر مەن اۋدارىمدار جاسايدى، جەكە قاراجاتىن باسقارادى، اۋە جانە تەمىرجول بيلەتتەرىن ساتىپ الادى، تۋرلاردى راسىمدەيدى جانە ەڭ تانىمال مەملەكەتتىك قىزمەتتەردى پايدالانادى.
Kaspi.kz بيزنەستى دامىتۋ ءۇشىن Kaspi Pay سۋپەرقوسىمشاسىن جاسادى. ونى قازىر 700 مىڭعا جۋىق قازاقستاندىق كاسىپكەر قولدانۋدا. Kaspi Pay ارقىلى كاسىپكەرلەر بيزنەسىن دامىتۋعا قارجىلاندىرۋ الادى، تولەم قابىلدايدى، جارنامالىق ناۋقاندار جۇرگىزەدى، سالىق تولەيدى، ەلەكتروندىق كوممەرتسيا جانە جەتكىزۋ پلاتفورمالارىنا قوسىلىپ، ءوز تاۋارلارىن بۇكىل ەل اۋماعىندا ساتادى.
