ەسكى جۇمىس ىستەمەيدى دەگەن بولمايدى. مىسالى، جوق كولىكتەردى «ساتۋ» ارقىلى الدايتىن ءتاسىل باياعىدان بەلگىلى، بىراق ادامدار ءالى كۇنگە دەيىن وعان الدانىپ جاتادى. بۇل سحەمانىڭ قالاي جۇمىس ىستەيتىنىن جانە الاياقتى قالاي بىردەن تانۋعا بولاتىنىن تۇسىندىرەمىز.
تارتىمدى حابارلاندىرۋ
كوبىنە الاياقتار اۆتوكولىك ساتىلاتىن تەگىن حابارلاندىرۋ سايتتارىندا ارەكەت ەتەدى. كەيدە كولىكتىڭ ورنىنا پاتەر نەمەسە ءۇي بولۋى مۇمكىن، بىراق الداۋ مەحانيزمى وزگەرمەيدى. الاياقتار ادەمى سۋرەتتەرى، تارتىمدى سيپاتتاماسى بار حابارلاندىرۋ جاريالايدى. باعانى ادەيى تومەندەتەدى. مىسالى، جاقسى كۇيدەگى، قوسىمشا قاراجاتتى قاجەت ەتپەيتىن كولىك نارىقتاعى ۇقاسا ءتۇرىنىڭ باعاسىنان ءبىر جارىم، ءتىپتى ەكى ەسە ارزان بولۋى مۇمكىن.
لوگيكاعا ساي
كۇدىكشىل ساتىپ الۋشىلارعا الاياقتار تومەن باعانى دالەلدەيتىن «سەنىمدى» سەبەپ ايتادى:
«جاڭا كولىك سىيعا تارتتى، ەندى بۇل قاجەت ەمەس» نەمەسە «كوشىپ بارا جاتىرمىن، تەزىرەك ساتۋ كەرەك»، دەگەن سياقتى. وسىلايشا ولار ساتىپ الۋشىنىڭ نەمەسە بولاشاق قۇرباندىعىنىڭ كۇدىگىن سەيىلتەدى.
كورسەتۋدەن باس تارتۋ
ساتىپ الۋشى كولىكتى نەمەسە پاتەردى الدىمەن كورسەتۋدى سۇراعاندا، الاياقتار باس تارتادى. بۇعان دا «لوگيكالىق» تۇسىنىكتەمە دايىنداپ قويعان: قالا سىرتىندا، ءتىپتى ەلدەن تىس جەردە ءجۇرمىن; كورسەتۋ ءۇشىن ۋاقىت كەرەك; جولعا اقشا قاجەت بولۋى مۇمكىن.
سەندىرۋ
كۇماندى سەيىلتۋ ءۇشىن الاياقتار كوپ فوتو جانە ۆيدەو جىبەرەدى. وسىلايشا ساتىپ الۋشى كولىك نەمەسە پاتەر شىنىمەن بار دەپ ويلايدى. ءتىپتى پاتەر نەمەسە كولىك ءوز اتىنا تىركەلگەندەي ەتىپ «قۇجاتتاردىڭ» سۋرەتتەرىن جىبەرۋى مۇمكىن.
دۇربەلەڭ تۋدىرۋ
ساتىپ الۋشى سەنىپ قالعان كەزدە، الاياقتار تاۋارعا قىزىعىپ وتىرعان باسقا دا كوپتەگەن ادامدار كەزەكتە تۇرعانىن ايتادى. ياعني ءدال ءسىزدىڭ ساتىپ الا الاماي قالۋىڭىز مۇمكىن، دەيدى.
الدىن الا تولەم
«باسەكەلەستەردى» اينالىپ ءوتۋ ءۇشىن ولار الدىن الا تولەم جىبەرۋدى ۇسىنادى. «جالپى سومادان الدىن-الا تولەم السام، قالعاندارىن باس تارتىپ، تەك سىزگە ساتامىن» دەيدى.
اقشا تۇسكەننەن كەيىن الاياقتار بايلانىسقا شىقپاي، جوعالادى. الدانعان ادام – قۇر ارماندارىمەن جانە بوس اميانىمەن قالادى.
قالاي ساقتانۋعا بولادى؟
مۇنداي جاعدايدان قورعانۋ قيىن ەمەس. تەك بىرنەشە قاراپايىم قاعيدانى ۇستانىڭىز:
• تىم ارزان ۇسىنىستاردان ساق بولىڭىز. ەگەر ساتۋشىعا زاتتى تەز ساتۋ قاجەت بولسا، باعانى نارىقتان ءسال تومەن قويۋى مۇمكىن. بىراق ءبىر جارىم-ەكى ەسە ارزان — وتە سيرەك كەزدەسەتىن جاعداي.
• «دۇربەلەڭ» تۋرالى اڭگىمەگە سەنبەڭىز. ەگەر ءسىزدى اسىقتىرىپ، باسقا ساتىپ الۋشىلارمەن «جارىستىرۋعا» تىرىسسا — بۇل انىق قىزىل جالاۋ.
• قۇجاتتاردىڭ فوتوسىنا سەنىم ارتپاڭىز. ولار وتە شىنايى ەتىپ قولدان جاسالۋى مۇمكىن. قۇجاتتاردى وفلاين تۇردە ءوز كوزىڭىزبەن كورىڭىز نەمەسە eGov, Kaspi سەرۆيستەرى ارقىلى رەسمي تسيفرلىق نۇسقاسىن سۇراڭىز.
• كورمەگەن زاتقا ەشقاشان الدىن الا تولەم جاساماڭىز. ەڭ جاقسى جاعدايدا تاۋار كۇتكەنىڭىزدەن تومەن بولۋى مۇمكىن، ەڭ جامانى — مۇلدە ويدان شىعارىلعان.
ايتپاقشى، Kaspi.kz YouTube-ارناسىندا «Kaspi.kz الاياقتارعا قارسى» اتتى كامپانيا اياسىندا جاڭا روليك جاريالادى. وندا كولىك ساتۋشىسىنىڭ كەپىنە ەنگەن الاياقتاردىڭ تاسىلدەرى كورسەتىلگەن.
ەسكە سالايىق، Kaspi.kz قارجى نارىعىن رەتتەۋ جانە دامىتۋ اگەنتتىگىنىڭ قولداۋىمەن ەڭ كەڭ تارالعان الاياقتىق سحەمالار تۋرالى تۇتاس سەريا ءتۇسىردى. جاڭا روليكتەر ءار ەكى اپتا سايىن Kaspi.kz-ءتىڭ رەسمي YouTube-ارناسىندا شىعادى.
