قازاقستاننىڭ سىرتقى ىستەر ءمينيسترى مۇرات نۇرتلەۋ مەن رەسەيدىڭ سىرتقى ىستەر ءمينيسترى سەرگەي لاۆروۆ 28 گۆاردياشى-پانفيلوۆشىلار اتىنداعى ساياباقتا ورنالاسقان داڭق مەموريالىنداعى ماڭگىلىك الاۋعا گۇل شوقتارىن قويدى، دەپ حابارلايدى "ادىرنا" ۇلتتىق پورتالى.
مەموريال ۇلى وتان سوعىسىنداعى جەڭىستىڭ 30 جىلدىعىنا وراي بوي كوتەرگەن جانە ءۇش نەگىزگى بولىكتەن تۇراتىن تريپتيح تۇرىندە جاسالعان.
سول جاعىندا ورنالاسقان «انت» گورەلەفىندە جاس قىزىل اسكەردىڭ قازا تاپقان جولداستارىنىڭ اتتارىن جەتەلەپ كەلە جاتقان ءساتى بەينەلەنگەن. بۇل ەسكەرتكىشتىڭ الدىندا قالالار-قاھارمانداردان الىنعان توپىراق سالىنعان كاپسۋلالار قويىلعان.
ورتالىق بولىكتە ورنالاسقان «ەرلىك» مونۋمەنتى پانفيلوۆشىلاردىڭ ماسكەۋ ءۇشىن شايقاستاعى ەرلىگىن كورسەتەدى. مىسقا شەكىپ سالىنعان بۇل كورىنىستە كسرو-نىڭ 15 رەسپۋبليكاسىنىڭ وكىلدەرى سوۆەت وداعىنىڭ كارتاسى اياسىندا بەينەلەنگەن. پوديۋمدا:
«رەسەي كەڭ-بايتاق، بىراق شەگىنەتىن جەر جوق – ارتىمىزدا ماسكەۋ!»
وڭ جاعىندا «داڭقتى جىرلاۋشىلار» اتتى گورەلەف ورنالاسقان. بۇل بولىكتە جەڭىسكە ارنالعان ءومىر سالتاناتىنىڭ سيمۆولى رەتىندە بەينەلەر جاسالعان.
