Qazaqstannyń syrtqy ister mınıstri Murat Nurtleý men Reseıdiń syrtqy ister mınıstri Sergeı Lavrov 28 gvardııashy-panfılovshylar atyndaǵy saıabaqta ornalasqan Dańq memorıalyndaǵy Máńgilik alaýǵa gúl shoqtaryn qoıdy, dep habarlaıdy "Adyrna" ulttyq portaly.
Memorıal Uly Otan soǵysyndaǵy Jeńistiń 30 jyldyǵyna oraı boı kótergen jáne úsh negizgi bólikten turatyn trıptıh túrinde jasalǵan.
Sol jaǵynda ornalasqan «Ant» gorelefinde jas qyzyl áskerdiń qaza tapqan joldastarynyń attaryn jetelep kele jatqan sáti beınelengen. Bul eskertkishtiń aldynda qalalar-qaharmandardan alynǵan topyraq salynǵan kapsýlalar qoıylǵan.
Ortalyq bólikte ornalasqan «Erlik» monýmenti panfılovshylardyń Máskeý úshin shaıqastaǵy erligin kórsetedi. Mysqa shekip salynǵan bul kóriniste KSRO-nyń 15 respýblıkasynyń ókilderi Sovet Odaǵynyń kartasy aıasynda beınelengen. Podıýmda:
«Reseı keń-baıtaq, biraq sheginetin jer joq – artymyzda Máskeý!»
Oń jaǵynda «Dańqty jyrlaýshylar» atty gorelef ornalasqan. Bul bólikte jeńiske arnalǵan ómir saltanatynyń sımvoly retinde beıneler jasalǵan.
