5 ساۋىردە اقمولا وبلىسىندا سۋ تاسقىنىنان قارا Toyota Land Cruiser كولىگىنىڭ باتىپ كەتكەنى تۋرالى ۆيدەو جەلىگە تاراپ، حالىقتىڭ كوڭىلىن الاڭداتتى. ۆيدەودا كولىك استانا – اتباسار – قوستاناي جولىنىڭ بويىندا تولىق سۋ استىندا قالىپ، جول شەتىندە كورىنىپ تۇر، دەپ حابارلايد "ادىرنا" ۇلتتىق پورتالى.
استانا – اتباسار – قوستاناي جول ۋچاسكەسى تۇرعىندار اراسىندا «ءولىم القابى» دەگەن اتپەن تانىمال. سەبەبى كوپتەگەن جول اپاتتارى مەن قايعىلى وقيعالار وسى جەردەن ورىن العان.
جەلى قولدانۋشىلارى جولدىڭ قاۋىپتىلىگىن اتاپ ءوتىپ، وسى جولداعى قايعىلى وقيعالاردىڭ كوپتىگىن جازىپ جاتىر.
«بۇل ورىن قاتەلىكتەردى كەشىرمەيدى — قىستا كولىكتەر قار قۇرساۋىندا قالادى، كوكتەمدە سۋ الىپ كەتەدى»، «بۇل جەر قانشاما ادامنىڭ ءومىرىن قيعان...»، - دەپ جازىلعان پىكىرلەردە.
كولىكتىڭ ىشىندەگىلەردىڭ ءۇش ادام بولعانى بەلگىلى. پوليتسيا مەن قۇتقارۋشىلار ەكى جولاۋشىنى امان الىپ شىقتى، الايدا جۇرگىزۋشى قايتىس بولدى. ونىڭ دەنەسى بىرنەشە كۇن بۇرىن تۇندە عانا تابىلعان بولاتىن.
«قازاۆتوجول» مالىمەتىنشە، 5 ءساۋىر كەشكىسىنەن باستاپ بۇل ۋچاسكەدە سۋ تاسقىنى سالدارىنان قوزعالىس توقتاتىلعان.
