يراننىڭ باتىسىنداعى حوررەماباد قالاسىندا فۋتبول الاڭىنداعى ءشوپتى كەپتىرۋ ءۇشىن قىزىل جارتى اي ۇيىمىنىڭ تىكۇشاعى قولدانىلدى. بۇل تۋرالى Azad İran Telegram-ارناسى مالىمدەدى، دەپ حابارلايدى “ادىرنا”ۇلتتىق پورتالى.
اتالعان جاعداي الەۋمەتتىك جەلىلەردە قىزۋ تالقىلانىپ، قوعام اراسىندا نارازىلىق تۋدىردى. پايدالانۋشىلار گۋمانيتارلىق ماقساتتاعى تەحنيكا مۇنداي تۇرمىستىق قاجەتكە قولدانىلماۋى ءتيىس ەكەنىن ايتىپ، جاۋاپتىلاردى سىنعا الدى.
يران يسلام رەسپۋبليكاسى قىزىل جارتى اي قوعامىنىڭ باسشىسى بۇل وقيعاعا بايلانىستى ۇيىمنىڭ ءۇش بىردەي ديرەكتورى قىزمەتىنەن بوساتىلعانىن مالىمدەدى.
