Irannyń batysyndaǵy Horremabad qalasynda fýtbol alańyndaǵy shópti keptirý úshin Qyzyl Jarty Aı uıymynyń tikushaǵy qoldanyldy. Bul týraly Azad İran Telegram-arnasy málimdedi, dep habarlaıdy “Adyrna”ulttyq portaly.
Atalǵan jaǵdaı áleýmettik jelilerde qyzý talqylanyp, qoǵam arasynda narazylyq týdyrdy. Paıdalanýshylar gýmanıtarlyq maqsattaǵy tehnıka mundaı turmystyq qajetke qoldanylmaýy tıis ekenin aıtyp, jaýaptylardy synǵa aldy.
Iran Islam Respýblıkasy Qyzyl Jarty Aı qoǵamynyń basshysy bul oqıǵaǵa baılanysty uıymnyń úsh birdeı dırektory qyzmetinen bosatylǵanyn málimdedi.
