قازاقستان فرانتسيانىڭ اەس سالۋ جونىندەگى ۇسىنىسىن قاراستىرۋدا. بۇل تۋرالى فرانتسيانىڭ قازاقستانداعى ەلشىسى سيلۆان گيوگە مالىمدەدى، دەپ حابارلايدى "ادىرنا" ۇلتتىق پورتالى.
"قازىرگى ۋاقىتتا ءارتۇرلى ۇمىتكەرلەردىڭ ۇسىنىستارى قاراستىرىلۋدا، ونىڭ ىشىندە فرانتسيانىڭ دا ۇسىنىسى بار. سوندىقتان قازاقستان مەن فرانتسيا اراسىندا وسى ماسەلە بويىنشا كەلىسسوزدەر ءجۇرىپ جاتىر. الداعى ۋاقىتتا ءبىزدىڭ ۇسىنىس قازاقستان ۇكىمەتى ءۇشىن قانشالىقتى قىزىقتى بولاتىنىن كورەتىن بولامىز", – دەدى گيوگە Astana Hub الاڭىندا.
ونىڭ ايتۋىنشا، قازاقستاندا اەس سالۋعا ءتورت ەل ءوز كانديداتۋراسىن ۇسىنعان. ولاردىڭ قاتارىندا فرانتسيا دا بار.
"فرانتسيانىڭ EDF كومپانياسى ءوز كانديداتۋراسىن ۇسىنىپ، قازاقستان ۇكىمەتىنە ۇسىنىس جولدادى", – دەدى ەلشى.
