1 ءساۋىر كۇنى پحۋكەت ارالىندا بولعان اۋىر جول اپاتىندا قازاقستان ازاماتى كوز جۇمدى، دەپ حابارلايدى "ادىرنا" ۇلتتىق پورتالى.
تايلاندتىق باق مالىمەتىنشە، اپات جەرگىلىكتى ۋاقىت بويىنشا تۇنگى 00:45 شاماسىندا Bypass Rd تاس جولىندا بولعان. ەر ادام موتوتسيكلمەن جوعارى جىلدامدىقتا كەلە جاتىپ، باسقارۋدى جوعالتقان. سالدارىنان جول بويىنداعى باعاناعا سوعىلىپ، اۋىر جاراقات العان.
العاشىندا تايلاند بيلىگى مارقۇمنىڭ جەكە باسىن انىقتاۋ بارىسىندا ونىڭ ءموبيلدى تەلەفونىنداعى ورىس تىلىندەگى جازۋلاردى كورىپ، "رەسەيلىك تۋريست" دەپ قاتە تانىعان. الايدا كەيىننەن تەرگەۋ ناتيجەسىندە ونىڭ قازاقستان ازاماتى ەكەنى جانە تايلاندتا تۇرىپ، جۇمىس ىستەيتىنى بەلگەلى بولعان.
قازاقستاننىڭ سىرتقى ىستەر مينيسترلىگى قازىرگى ۋاقىتتا مارقۇم تۋرالى ناقتى راستالعان اقپارات جوق ەكەنىن مالىمدەدى.
