1 sáýir kúni Phýket aralynda bolǵan aýyr jol apatynda Qazaqstan azamaty kóz jumdy, dep habarlaıdy "Adyrna" ulttyq portaly.
Taılandtyq BAQ málimetinshe, apat jergilikti ýaqyt boıynsha túngi 00:45 shamasynda Bypass Rd tas jolynda bolǵan. Er adam motoıklmen joǵary jyldamdyqta kele jatyp, basqarýdy joǵaltqan. Saldarynan jol boıyndaǵy baǵanaǵa soǵylyp, aýyr jaraqat alǵan.
Alǵashynda Taıland bıligi marqumnyń jeke basyn anyqtaý barysynda onyń mobıldi telefonyndaǵy orys tilindegi jazýlardy kórip, "Reseılik týrıst" dep qate tanyǵan. Alaıda keıinnen tergeý nátıjesinde onyń Qazaqstan azamaty ekeni jáne Taılandta turyp, jumys isteıtini belgeli bolǵan.
Qazaqstannyń Syrtqy ister mınıstrligi qazirgi ýaqytta marqum týraly naqty rastalǵan aqparat joq ekenin málimdedi.
