1 sáýirde Birikken Ulttar Uıymynyń (BUU) ushaǵynan aqaý anyqtalyp, Mogadıshoda sátti apatty qoný jasady, dep habarlaıdy "Adyrna" ulttyq portaly.
Bul týraly BUU baspasóz qyzmeti málimdedi.
Somalıdegi BUU qoldaý basqarmasynyń (IýNSOS) ushaǵy Mogadıshodan Baıdaboǵa turaqty reıs jasaǵan. Ushý barysynda ekıpaj shassıdiń durys ashylmaýyna baılanysty aqaýdy anyqtady.
"Ushqyshtar dereý áýe kemesin astanadaǵy Aden-Adde halyqaralyq áýejaıyna baǵyttap, máseleni qaýipsiz túrde sheshti. Evakýaııa kezinde bir jolaýshy jeńil jaraqat alǵan. Al qalǵan jolaýshylar men ekıpaj músheleri zardap shekken joq", – delingen BUU málimdemesinde.
Somalıdegi BUU ókildigi ekıpajdyń jedel ári kásibı áreketin, sondaı-aq qutqarý qyzmetteri men áýejaı qyzmetkerleriniń jedeldigin joǵary baǵalady. Bul týraly IýNSOS basshysy, BUU Bas hatshysynyń kómekshisi Aısa Kırabo Kasııra málimdedi.
