ميانماداعى جەر سىلكىنىسى. قازا تاپقاندار سانى 2 مىڭنان استى

491
Adyrna.kz Telegram
فوتو: The Myanmar Military True News Information Team/AP/dpa/picture alliance
فوتو: The Myanmar Military True News Information Team/AP/dpa/picture alliance

28 ناۋرىز كۇنى ميانمادا بولعان جەر سىلكىنىسى سالدارىنان قازا تاپقاندار سانى ەكى مىڭنان اسىپ كەتتى. بۇل تۋرالى جەرگىلىكتى بيلىك مالىمدەدى، دەپ حابارلايدى “ادىرنا” ۇلتتىق پورتالى ەuronews-كە سىلتەپ.

جەرگىلىكتى بيلىكتىڭ مالىمەتتەرى بويىنشا، شامامەن 3900 ادام جاراقات الدى، تاعى 270 ادام جوعالىپ كەتكەن. ەلدە ءبىر اپتا ۇلتتىق ازا تۇتۋ جاريالاندى.

قۇتقارۋشىلار قيراندىلاردان ادامداردى شىعارۋدا، بىراق ءتىرى قالعاندارى سيرەك. جەرگىلىكتى باق-تىڭ حابارلاۋىنشا، مايىتتەر اعىنمەن جەتكىزىلۋدە، ال قالا كرەماتوريلەرى ولاردى جاعۋعا ۇلگەرمەي جاتىر.

ماگنيتۋداسى 7,7 بولاتىن جەر سىلكىنىسى جۇما كۇنى تۇستەن كەيىن بولىپ، ەل استاناسى نەيپيتاۋدا جانە ميانمانىڭ ەكىنشى ۇلكەن قالاسى ماندالايدا جاپپاي قيراۋعا اكەلدى. مىڭداعان مۇسىلمان رامازان ورازاسىن اياقتاۋ ءۇشىن دۇعا ەتكەن عيماراتتار، تۇرعىن ۇيلەر، كوپىرلەر، مەشىتتەر قيراتىلدى.

قۇتقارۋشىلاردىڭ جۇمىسىن اپات ايماعىنداعى بۇلىنگەن جولدار، بايلانىستىڭ ناشار نەمەسە مۇلدە جوق بولۋى، اۋا تەمپەراتۋراسىنىڭ جوعارى بولۋى، ەلدە ازاماتتىق سوعىس ءجۇرىپ جاتقانى قيىنداتتى. سەنبى كۇنى قارۋلى كوتەرىلىسشىلەر بىرقاتار ايماقتاردا سوعىس ارەكەتتەرىن توقتاتقانىن مالىمدەدى.

ءۇيسىز قالعان تۇرعىندار جانە افتەرشوكتاردان قورقاتىندار كوشەدە ۇيىقتاۋعا ءماجبۇر بولدى. بۇۇ گۋمانيتارلىق اپات تۋرالى جانە اۋىزسۋ، ازىق-تۇلىك، ءدارى-دارمەك جەتىسپەۋشىلىگى تۋرالى ايتتى.

دۇنيەجۇزىلىك دەنساۋلىق ساقتاۋ ۇيىمى ميانماعا «كومەك كورسەتۋ، اۋرۋلاردىڭ تارالۋىن بولدىرماۋ جانە نەگىزگى مەديتسينالىق قىزمەتتەردى قالپىنا كەلتىرۋ» ءۇشىن 8 ميلليون دوللار جيناۋ تۋرالى شۇعىل شاقىرۋ جاريالادى.

اقش گەولوگيالىق قىزمەتىنىڭ باعالاۋىنشا، اپاتتان قازا تاپقاندار سانى 10 مىڭنان اسىپ، ەكونوميكالىق شىعىندار ەلدىڭ ءجىو-ءنىڭ 100%-ىنان كەم بولمايدى.

جەر سىلكىنىسى قىتاي مەن تايلاندتا دا سەزىلدى. جەرگىلىكتى بيلىك 18 ادامنىڭ قازا تاپقانى تۋرالى حابارلادى. بانگكوكتا بيىك عيماراتتىڭ قۇلاعان جەرىندە قۇتقارۋ جۇمىستارى جالعاسۋدا، عيماراتتىڭ استىندا ونداعان ادام بولۋى مۇمكىن.

Реклама
  • ИП Попов А.П.
  • ИНН: 602715631406
Танец на выпускном взорвал сеть: смотреть без детей
Реклама
  • ИП Попов А.П.
  • ИНН: 602715631406
Вот, что излечит ваши запястья даже в 75 лет! Нужно взять...
Реклама
  • ИП Попов А.П.
  • ИНН: 602715631406
Видео: малютка и бабуля обсуждают жизнь — умора
پىكىرلەر