ەركىن كۇرەس شەبەرى نۇرقوجا قايپانوۆ امماندا (يوردانيا) ءوتىپ جاتقان ازيا چەمپيوناتىنىڭ فينالىندا جەڭىسكە جەتتى. بۇل تۋرالى 30 ناۋرىزدا ۇلتتىق وليمپيادالىق كوميتەتتىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
قازاقستاندىق بالۋان 74 كەلىگە دەيىنگى سالماقتا قىرعىزستان سپورتشىسى وروزبەك توكتومامبەتوۆپەن كەزدەستى. ناتيجەسىندە نۇرقوجا قايپانوۆ 2:1 ەسەبىمەن باسىم ءتۇستى.
ايتا كەتەيىك، وتانداسىمىز وتكەن جىلى وليمپيادالىق ەمەس سالماقتا (70 كەلى) الەم چەمپيوناتىندا جەڭىسكە جەتكەن بولاتىن. سونداي-اق، بۇعان دەيىن ريزابەك ايتمۇحان (97 كەلىگە دەيىن) ەكىنشى ورىن السا، راحات قالجان (57 كەلىگە دەيىن) قولا مەدال يەلەنگەن ەدى.
