Erkin kúres sheberi Nurqoja Qaıpanov Ammanda (Iordanııa) ótip jatqan Azııa chempıonatynyń fınalynda jeńiske jetti. Bul týraly 30 naýryzda Ulttyq olımpıadalyq komıtettiń baspasóz qyzmeti jazdy, dep habarlaıdy «Adyrna» tilshisi.
Qazaqstandyq balýan 74 kelige deıingi salmaqta Qyrǵyzstan sportshysy Orozbek Toktomambetovpen kezdesti. Nátıjesinde Nurqoja Qaıpanov 2:1 esebimen basym tústi.
Aıta keteıik, otandasymyz ótken jyly olımpıadalyq emes salmaqta (70 keli) álem chempıonatynda jeńiske jetken bolatyn. Sondaı-aq, buǵan deıin Rızabek Aıtmuhan (97 kelige deıin) ekinshi oryn alsa, Rahat Qaljan (57 kelige deıin) qola medal ıelengen edi.
