Erkın küres şeberı Nūrqoja Qaipanov Ammanda (İordaniia) ötıp jatqan Aziia chempionatynyŋ finalynda jeŋıske jettı. Būl turaly 30 nauryzda Ūlttyq olimpiadalyq komitettıŋ baspasöz qyzmetı jazdy, dep habarlaidy «Adyrna» tılşısı.
Qazaqstandyq baluan 74 kelıge deiıngı salmaqta Qyrǧyzstan sportşysy Orozbek Toktomambetovpen kezdestı. Nätijesınde Nūrqoja Qaipanov 2:1 esebımen basym tüstı.
Aita keteiık, otandasymyz ötken jyly olimpiadalyq emes salmaqta (70 kelı) älem chempionatynda jeŋıske jetken bolatyn. Sondai-aq, būǧan deiın Rizabek Aitmūhan (97 kelıge deiın) ekınşı oryn alsa, Rahat Qaljan (57 kelıge deiın) qola medal ielengen edı.
