28 ناۋرىزعا قاراعان ءتۇنى پاۆلودار مۇناي-حيميا زاۋىتىندا ءورت شىعىپ ەكى قىزمەتكەر كۇيىپ قالدى. بۇل تۋرالى وبلىستىق توتەنشە جاعدايلار دەپارتامەنتى مالىمدەدى، دەپ حابارلايدى “ادىرنا”.
مالىمەت بويىنشا، ءورت 50 شارشى مەتر اۋماققا جايىلعان. 1989 جانە 1982 جىلدارى تۋعان ەكى قىزمەتكەر كۇيىك الدى. دارىگەرلەر العاشقى مەديتسينالىق كومەك كورسەتىپ، اۋرۋحاناعا جاتقىزۋ قاجەتتىلىگى بولمادى.
سونىمەن قاتار، دەپارتامەنتتىڭ مالىمەتىنشە، توگىلگەن سۇيىقتىق تۇتانىپ، تولىعىمەن جانىپ كەتكەن. زاۋىت جابدىعىنا زاقىم كەلمەگەن.
ءورت ساعات 23:40-تا باستالعان. العاشقى بولىپ زاۋىتتىڭ ءورت ءسوندىرۋ قىزمەتكەرلەرى ءتىلسىز جاۋمەن كۇرەسە باستادى، كەيىننەن ولارعا قالالىق ءورت ءسوندىرۋ جاساقتارى قوسىلدى. ولار قايتا تۇتانۋدىڭ الدىن الۋ ءۇشىن قوندىرعىلاردى سالقىنداتتى.
ۇقساس جاڭالىقتار
