شىمكەنت قالاسىندا مەشىتتەن ءورت شىقتى. بۇل تۋرالى توتەنشە جاعدايلار مينيسترلىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا”.
«بۇگىن 112 قىزمەتىنە ك.ادىلبەكوۆ كوشەسىندە، تۇران شاعىن اۋدانىندا ورنالاسقان ەكى قاباتتى مەشىتتىڭ شاتىرىنان ءتۇتىن شىعىپ جاتقانى جونىندە حابار ءتۇستى. قالالىق تجد جەدەل قىزمەتتەرى وقيعا ورنىنا بارىپ، شاتىردىڭ اعاش قۇرىلىمدارىن اشىپ، ءورت وشاعىن ءسوندىردى»، – دەلىنگەن سەنبى كۇنگى حابارلامادا.
قايعىلى جاعداي تىركەلگەن جوق.
«تجم ءورت قاۋىپسىزدىگىن قاتاڭ ساقتاۋ قاجەتتىگىن ەسكەرتەدى!» – دەلىنگەن حابارلامادا.
ۇقساس جاڭالىقتار
