قازاقستان توتەنشە جاعداي مينيسترلىگى كوماندالىق ورتالىعىنىڭ بازاسىندا سەيسميكالىق جاعدايدى باقىلاۋ بويىنشا جەدەل شتاب قۇرىلدى. بۇل تۋرالى قازاقستان توتەنشە جاعدايلار مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
"قازسەلدەنقورعاۋ" مم ماماندارى وزەن ارنالارىنا، گيدروتەحنيكالىق قۇرىلىستارعا، سونداي-اق كوشكىن قاۋپى جانە سەل قاۋپى بار ۋچاسكەلەرگە مونيتورينگ جۇرگىزدى. قوسىمشا جپ پاترۋلدىك پوليتسيا قىزمەتكەرلەرى تىرشىلىكتى قامتاماسىز ەتۋ وبەكتىلەرى زاقىمدانعان-زاقىمدانباعانىن تەكسەرىپ شىعادى.
قازىرگى ۋاقىتتا بارلىق نىسان شتاتتىق رەجيمدە جۇمىس ىستەپ تۇر.
جەدەل ارەكەت ەتۋ ءۇشىن قازاقستان تجم مەن تجد كوماندالىق ورتالىعىندا جەدەل جەلى اشىلدى:
قازاقستان تجم كوماندالىق ورتالىعىنىڭ بازاسىندا سەيسميكالىق جاعدايدى باقىلاۋ بويىنشا جەدەل شتاب قۇرىلدى.
قازاقستان تج ۆيتسە-ءمينيسترى باتىربەك ابدىشەۆتىڭ توراعالىعىمەن جۇمىس كەڭەسى جانە اۋماقتىق بولىمشەلەرمەن بەينەكونفەرەنتسيا ارقىلى بايلانىس وتكىزىلدى.
️زارداپ شەككەندەر تۋرالى اقپارات تۇسكەن جوق. جاعداي تۇراقتى. قۇتقارۋ بولىمشەلەرى قاجەت بولعان جاعدايدا دەن قويۋعا دايىن.
جامبىل وبلىسىندا 5 حيميالىق قاۋىپتى نىسان ورنالاسقان. ماماندار ولاردى زەرتتەۋ ءۇشىن ءوزارا ءىس-قيمىل ۇيىمداستىردى - قاۋىپ جوق.
