Aleksandr Lýkashenko Mınskidegi Táýelsizdik saraıynda rásim jasap, jetinshi ret Belarýs prezıdenti qyzmetine kiristi. Bul týraly Belta portaly jazdy, dep habarlaıdy “Adyrna”.
Basylym málimetinshe, Aleksandr Lýkashenko oń qolyn konstıtýııaǵa qoıyp, Belarýs tilinde ant berdi.
"Belarýs Respýblıkasynyń prezıdenti qyzmetine kirise otyryp, halqyma adal qyzmet etýge, adam men azamattyń quqyqtary men bostandyqtaryn qurmetteýge jáne qorǵaýǵa, Belarýs Respýblıkasynyń konstıtýııasyn saqtaýǵa jáne qorǵaýǵa, ózime júktelgen joǵary mindetterdi qasıetti jáne adal oryndaýǵa saltanatty túrde ant etemin", - dedi ol.
Saılaý qorytyndysy boıynsha bıyl 26 qańtarda Lýkashenko prezıdent bolyp saılandy. Onyń kandıdatýrasy úshin 5 136 293 daýys berildi. Bul daýys berýge qatysqan azamattar sanynyń 86,82 paıyzyn qurady.
"Álemniń jartysy bizdiń dıktatýramyzdy bizdiń halqymyzdyń naqty isteri men múddeleriniń dıktatýrasyn armandaıdy. Sóz bostandyǵymen bizde bári jaqsy. Bizde demokratııa ózin etalon dep ataıtyndarǵa qaraǵanda kóbirek", - dedi Lýkashenko.
