ل. گۋميلەۆ اتىنداعى ەۋرازيا ۇلتتىق ۋنيۆەرسيتەتى تاريح فاكۋلتەتىنىڭ پروفەسسورى، تاريح عىلىمدارىنىڭ دوكتورى دۇيسەنالى ءابدىلاشىمۇلىنىڭ “قازاق حاندىعىنىڭ تسين پاتشالىعىنا جولداعان بىرەگەي حاتتارى” تۋرالى جازىلعان كولەمدى عىلىمي زەرتتەۋ ەڭبەگى (452 ب.) جاپونيادا باسىلىپ شىقتى.
بۇل تۋرالى تاريحشى Facebook پاراقشاسىندا جازدى، دەپ حابارلايدى “ادىرنا” ۇلتتىق پورتالى.
“عىلىمي زەرتتەۋ جۇمىسىمدى قولداعان جاپونيا توكيو شەتەل تىلدەرى ۋنيۆەرسيتەتىنە، جۇمىس ورنىم ەۋرازيا ۇلتتىق ۋنيۆەرسيتەتى تاريح فاكۋلتەتى، قازاقستان تاريحى كافەدراسىنىڭ ۇجىمىنا، ارىپتەستەرىمە، سونداي-اق جاپونيالىق تىلەكتەس عالىمدار مەن دوستارىما ايىرىقشا العىس ايتامىن. اسىرەسە توكيو شەتەل تىلدەرى ۋنيۆەسيتەتى ازيا جانە افريكا تىلدەرى مەن مادەنيەتىن زەرتتەۋ ينستيتۋتىنىڭ باسشىلىعىنا، قازاق تاريحىن زەرتتەۋشى عالىم، تاريح عىلىمدارىنىڭ دوكتورى، پروفەسسور نودا دجين مىرزاعا العىسىم شەكسىز”، دەپ جازدى پروفەسسور.
ەڭبەك 4 تاراۋ تۇرادى: قازاق حاندىعى جانە ونىڭ جازبا مۇرالارى; تسين پاتشالىعىنا جولدانعان ديپلوماتيالىق قۇجاتتار; قازاق حاندىعىنىڭ تسين پاتشالىعىنا ەلشى اتتاندىرۋى; ديپلوماتيالىق قۇجاتتاردىڭ ترانسليتەراتسياسى، ترانسكرينتسياسى جانە قازىرگى قازاق تىلىندەگى اۋدارماسى.
ايتا كەتەيىك، بيىل “قازاق” اتاۋىنىڭ قايتارىلعانىنا جانە “قازاق حاندىعى” تەرمينىنىڭ عىلىمي اينسلىمعا ەنگەنىنە 100 جىل. كىتاپتىڭ وسىنداي داتا قۇرمەتىنە وراي شىعارىلعانى اتاپ كورسەتىلگەن.
