تالعاردا كىسى قولىنان كوز جۇمعان شەرزات پولاتتىڭ اكەسى قارجاۋباي نۇرىموۆ پرەزيدەنت قاسىم-جومارت توقاەۆتان كومەك سۇرادى، دەپ حابارلايدى «ادىرنا» ءتىلشىسى.
ونىڭ ۇندەۋىن قارىنداسى پەريزات نۇرىموۆا وقىپ بەردى.
«قۇرمەتتى پرەزيدەنت مىرزا، كونستيتۋتسيا كەپىلى رەتىندە سىزدەن ءادىل سوت سۇرايمىن. باۋىر ەتىم باۋىرىم مەن ۇلىمدى جوعالتىپ، بولىپ جاتقان ادىلەتسىزدىككە قارسى كۇرەستىم. ءوزىمنىڭ وتباسىمدى، جاقىندارىمدى قورعاۋعا تىرىستىم. ەشقاشان دۇربەلەڭگە جانە جامان نارسەلەرگە ۇگىتتەگەن ەمەسپىن. جەلتوقساندا تەك ءىنىمنىڭ ءىسى ءادىل تەرگەلۋىن تالاپ ەتۋگە تىرىستىم. بۇعان دەيىن ورنىن بوساتقاندار — ەسكى جۇيەنىڭ قالدىعى. سوندىقتان ادىلەتتى قازاقستانعا سەنە وتىرىپ، كۇرەسۋگە بەل بۋدىم. سىزدەن سوتتىڭ ادىلەتتى ءوتۋىن سۇرايمىن. قازاقتىڭ ۇلدارى مەن قىزدارى كوشەدە ءولۋى وسىمەن توقتاسىنشى»،— دەلىنگەن ۇندەۋدە.
ەسكە سالايىق، 2024 جىلدىڭ 4 قازانىندا تالعار قالاسىندا 16 جاستاعى مەكتەپ وقۋشىسى شەرزات بولات كىسى قولىنان قازا تاپقان بولاتىن. قايعىلى وقيعاعا دۇكەن ماڭىنداعى جانجال تۇرتكى بولعان ەدى.
