Talǵarda kisi qolynan kóz jumǵan Sherzat Polattyń ákesi Qarjaýbaı Nurymov prezıdent Qasym-Jomart Toqaevtan kómek surady, dep habarlaıdy «Adyrna» tilshisi.
Onyń úndeýin qaryndasy Perızat Nurymova oqyp berdi.
«Qurmetti prezıdent myrza, Konstıtýııa kepili retinde sizden ádil sot suraımyn. Baýyr etim baýyrym men ulymdy joǵaltyp, bolyp jatqan ádiletsizdikke qarsy kúrestim. Ózimniń otbasymdy, jaqyndarymdy qorǵaýǵa tyrystym. Eshqashan dúrbeleńge jáne jaman nárselerge úgittegen emespin. Jeltoqsanda tek inimniń isi ádil tergelýin talap etýge tyrystym. Buǵan deıin ornyn bosatqandar — eski júıeniń qaldyǵy. Sondyqtan ádiletti Qazaqstanǵa sene otyryp, kúresýge bel býdym. Sizden sottyń ádiletti ótýin suraımyn. Qazaqtyń uldary men qyzdary kóshede ólýi osymen toqtasynshy»,— delingen úndeýde.
Eske salaıyq, 2024 jyldyń 4 qazanynda Talǵar qalasynda 16 jastaǵy mektep oqýshysy Sherzat Bolat kisi qolynan qaza tapqan bolatyn. Qaıǵyly oqıǵaǵa dúken mańyndaǵy janjal túrtki bolǵan edi.
