قازاقتىڭ ۇلتتىق مەرەكەسى، تاڭىردەن تىلەگەن جاڭا جىلىمىز - ناۋرىز مەيرامى قۇتتى بولسىن! تۇسكە دەيىن اۋزىمىز اققا تولىپ ۇلگەرسىن، ناۋرىز كوجە مول بولسىن.
ناۋرىز قازاقتىڭ بولمىسىن، ىشكى ۇلتتىق دىڭگەگىن قورعاي بەرسىن. قازىردىڭ وزىندە ول ءبىزدى راديكاليزمنەن قورعايتىن ۇلتتىق يممۋنيتەت قۇرىپ تاستادى. ناۋرىز، دومبىرا، قوبىز، قىمىز بەن ەت قاتار تۇرىپ، سىرتتان كەلگەن وزبىر جاۋعا قارسى تۇرۋدا.
دومبىرا قىلىشتان دا وتكىر قارۋ ەكەنىنە كوز جەتتى. قوس ىشەكتى الماس قازاققا شاپقان قارا جامىلعان جاۋدىڭ باسىن كەسە ءبىلدى، قازاقتىڭ سوقىر ءدىني نانىمنان جوعارى بولۋى ءتيىس ۇلتتىق رۋحىن قايتا ءتىرىلتتى.
ناۋرىز تەك مەيرام ەمەس. ول ءبىزدىڭ سوڭعى ۇلتتىق قامالىمىز. ارىمىز، اتا-بابا الدىنداعى اماناتىمىز. وسىنى ۇمىتپايىق.
