وبلىس اكىمى نۇرلىبەك نالىباەۆ شيەلى اۋدانىنا جۇمىس ساپارى بارىسىندا ىبىراي جاقاەۆ اۋىلىنداعى دەنە شىنىقتىرۋ- ساۋىقتىرۋ كەشەنىنىڭ اشىلۋىنا قاتىستى.
سالتاناتتى جيىنعا پارلامەنت سەناتى جانىنداعى سەناتورلار كەڭەسىنىڭ مۇشەسى مۇرات باقتيارۇلى، وبلىستىق ءماسليحات توراعاسى مۇرات تىلەۋىمبەتوۆ، زيالى قاۋىم وكىلدەرى، جاۋاپتى سالا باسشىلارى مەن اۋىل تۇرعىندارى كەلدى.
ايماق باسشىسى جۇرتشىلىقتى مەرەكەمەن قۇتتىقتاپ، جاڭا نىساننىڭ ەل يگىلىگىنە قىزمەت ەتەتىنىنە سەنىم ءبىلدىردى.
«پرەزيدەنتىمىز قاسىم-جومارت كەمەلۇلى «بۇقارالىق سپورتتى دامىتۋ ارقىلى ءبىز كاسىبي سپورتقا جول اشامىز جانە ەڭ باستىسى، ۇلت ساۋلىعىن جاقسارتامىز»، – دەگەن بولاتىن. بۇل باعىتتا وبلىس تۇرعىندارىنىڭ سپورتپەن شۇعىلدانۋىنا قولايلى جاعداي جاسالۋدا.
وتكەن جىلى قازان ايىندا قىزىلوردا قالاسىندا
"ۇستەل تەننيسى" ورتالىعى پايدالانۋعا بەرىلدى. حالىقارالىق ستاندارتتارعا سايكەس كەلەتىن 11 مىڭ ورىندىق ورتالىق ستاديون سالىنۋدا. نىسان الداعى مامىر ايىندا ەل يگىلىگىنە تابىستالادى. جاقىن كۇندەرى قىزىلوردا قالاسىندا كوپبەيىندى «قىزىلوردا ارەنا»، دەنە شىنىقتىرۋ-ساۋىقتىرۋ كەشەندەرىنىڭ قۇرىلىسى باستالادى.
جىل باسىنان بەرى قارماقشى اۋدانىنداعى ءىىى ينتەرناتسيونال، ءدۇر وڭعار ەلدى مەكەندەرىندە، سىرداريا اۋدانىنىڭ بەسارىق اۋىلىندا جاڭا كەشەندەر قولدانىسقا بەرىلدى. ءدال وسىنداي سپورت كەشەنى ەرتەڭ ەكى اۋداندا اشىلادى. بۇگىن ۇلىستىڭ ۇلى كۇنى قارساڭىندا ىبىراي جاقاەۆ اۋىلىنداعى جاڭا سپورت كەشەنىنىڭ اشىلۋ سالتاناتىنا جينالدىق. جاڭا سپورت عيماراتى قۇتتى بولسىن! بارشاڭىزدى جىل باسى - ناۋرىز مەيرامىمەن شىن جۇرەكتەن قۇتتىقتايمىن!ۇلىس وڭ بولسىن! اق مول بولسىن!»، - دەدى ن.نالىباەۆ.
راسىمدە شيەلى اۋدانىنىڭ دامۋىنا ۇلەس قوسقان بەلسەندى ازاماتتار وبلىس اكىمىنىڭ العىس حاتىمەن ماراپاتتالىپ، قىزىلوردا وبلىسىنىڭ قۇرمەتتى ازاماتى يبراگيم ابيبۋللاەۆ باتاسىن بەردى.
