Oblys äkımı Nūrlybek Nälıbaev Şielı audanyna jūmys sapary barysynda Ybyrai Jaqaev auylyndaǧy dene şynyqtyru- sauyqtyru keşenınıŋ aşyluyna qatysty.
Saltanatty jiynǧa Parlament Senaty janyndaǧy Senatorlar keŋesınıŋ müşesı Mūrat Baqtiiarūly, oblystyq mäslihat töraǧasy Mūrat Tıleuımbetov, ziialy qauym ökılderı, jauapty sala basşylary men auyl tūrǧyndary keldı.
Aimaq basşysy jūrtşylyqty merekemen qūttyqtap, jaŋa nysannyŋ el igılıgıne qyzmet etetınıne senım bıldırdı.
«Prezidentımız Qasym-Jomart Kemelūly «Būqaralyq sportty damytu arqyly bız käsıbi sportqa jol aşamyz jäne eŋ bastysy, ūlt saulyǧyn jaqsartamyz», – degen bolatyn. Būl baǧytta oblys tūrǧyndarynyŋ sportpen şūǧyldanuyna qolaily jaǧdai jasaluda.
Ötken jyly qazan aiynda Qyzylorda qalasynda
"Üstel tennisı" ortalyǧy paidalanuǧa berıldı. Halyqaralyq standarttarǧa säikes keletın 11 myŋ oryndyq Ortalyq stadion salynuda. Nysan aldaǧy mamyr aiynda el igılıgıne tabystalady. Jaqyn künderı Qyzylorda qalasynda köpbeiındı «Qyzylorda Arena», dene şynyqtyru-sauyqtyru keşenderınıŋ qūrylysy bastalady.
Jyl basynan berı Qarmaqşy audanyndaǧy III İnternasional, Dür Oŋǧar eldı mekenderınde, Syrdariia audanynyŋ Besaryq auylynda jaŋa keşender qoldanysqa berıldı. Däl osyndai sport keşenı erteŋ ekı audanda aşylady. Bügın Ūlystyŋ ūly künı qarsaŋynda Ybyrai Jaqaev auylyndaǧy jaŋa sport keşenınıŋ aşylu saltanatyna jinaldyq. Jaŋa sport ǧimaraty qūtty bolsyn! Barşaŋyzdy jyl basy - Nauryz meiramymen şyn jürekten qūttyqtaimyn!Ūlys oŋ bolsyn! Aq mol bolsyn!», - dedı N.Nälıbaev.
Räsımde Şielı audanynyŋ damuyna üles qosqan belsendı azamattar oblys äkımınıŋ Alǧys hatymen marapattalyp, Qyzylorda oblysynyŋ qūrmettı azamaty İbragim Äbibullaev batasyn berdı.
Ūqsas jaŋalyqtar
