الماتىدا ەر ادام ايەلىن كوشەدەگى جاتتىعۋ قۇرىلعىسىندا جاتتىعۋعا كۇشتەپ ماجبۇرلەگەنى تۇسىرىلگەن ۆيدەو الەۋمەتتىك جەلىدە تارالدى، دەپ حابارلايدى "ادىرنا" ۇلتتىق پورتالى.
Telegram-ارناسىندا جاريالانعان ۆيدەودا "ەر ادام ايەلدى جاتتىعۋعا ماجبۇرلەيدى" دەپ جازىلعان. سونىمەن قاتار ول ايەلدىڭ بۇعان دەيىن ينسۋلت العانى جانە جەرگىلىكتى تۇرعىنداردىڭ بۇل كورىنىسكە كۇن سايىن كۋا بولاتىنى ايتىلعان.
كادرلاردان ەر ادامنىڭ ايەلدى كۇشپەن جاتتىعۋ قۇرىلعىسىنا وتىرعىزۋعا تىرىسىپ جاتقانى كورىنەدى. وعان بۇل ۇلكەن قيىندىقپەن بەرىلەدى، سودان كەيىن ايەل جاتتىعۋلار جاساي باستايدى. ۆيدەو اۆتورلارى بۇل ارەكەتكە اشۋلانعان.
الماتى پوليتسيا دەپارتامەنتى بۇل وقيعا بويىنشا "102" پۋلتىنە ەشقانداي شاعىم، حابارلاما نەمەسە قوڭىراۋ تۇسپەگەنىن حابارلادى.
"قازىر اۋەزوۆ اۋدانى پوليتسيا باسقارماسىنىڭ قىزمەتكەرلەرى تەكسەرۋ جۇرگىزىپ جاتىر. وقيعاعا قاتىسۋشىلار مەن ءمان-جايلار انىقتالىپ، قپازاقستان رەسپۋبليكاسىنىڭ زاڭناماسىنا سايكەس شارالار قابىلدانادى", – دەپ مالىمدەدى پوليتسيادا.
