جامبىل وبلىسى اكىمدىگىنىڭ مەملەكەتتىك ساتىپ الۋ باسقارماسى جاڭا قىزمەتتىك كولىك ساتىپ الۋعا تەندەر جاريالادى، دەپ حابارلايدى “ادىرنا” ۇلتتىق پورتالى مەملەكەتتىك ساتىپ الۋ سايتىنا سىلتەپ.
اكىمدىكتىڭ ءباسپاسوز قىزمەتىنىڭ مالىمەتىنشە، قازىرگى ۋاقىتتا باسقارما بالانسىندا 2018 جىلى شىعارىلعان Skoda ماركالى اۆتوكولىك بار. ونىڭ جالپى ءجۇرىسى 297 000 شاقىرىمعا جەتىپ، ءجيى ىستەن شىعۋىنا بايلانىستى كۇردەلى جوندەۋدى قاجەت ەتەدى. وسى سەبەپتى كولىكتى تەحنيكالىق قىزمەت كورسەتۋدىڭ شىعىنى ارتىپ، ونى پايدالانۋ ءتيىمسىز بولىپ وتىر.
مەكەمە وكىلدەرىنىڭ ايتۋىنشا، جاڭا كولىكتى ساتىپ الۋ ءۇشىن قارجى 2025 جىلعا ارنالعان بيۋدجەتتە قاراستىرىلعان. مەملەكەتتىك ساتىپ الۋ پورتالىندا جاريالانعان لوتقا سايكەس، جاڭا كولىك س-كلاسس ساناتىنا جاتۋى ءتيىس جانە ونى ساتىپ الۋعا 22 ميلليون تەڭگە بولىنگەن.
اكىمدىك وكىلدەرى بۇل شەشىم قولدانىستاعى نورماتيۆتىك-قۇقىقتىق اكتىلەرگە سايكەس جۇزەگە اسىرىلىپ وتىرعانىن اتاپ ءوتتى.
