22 ءساۋىر مەن 7 مامىر ارالىعىندا استانادا اسكەري اۆياتسيانىڭ جاتتىعۋ ۇشۋلارىنا بايلانىستى اۋە كەڭىستىگىن پايدالانۋعا ۋاقىتشا شەكتەۋلەر قويىلادى، دەپ حابارلايدى "ادىرنا" ۇلتتىق پورتالى قورعانىس مينيسترلىگىنە سىلتەمە جاساپ.
بۇل شەكتەۋلەر ۇلى وتان سوعىسىنداعى جەڭىستىڭ 80 جىلدىعىنا ارنالعان اسكەري پارادتىڭ دايىندىق جانە وتكىزۋ كەزەڭىمەن بايلانىستى.
"وسىعان بايلانىستى اۋە رەيستەرىنىڭ كەستەسىندە وزگەرىستەر بولۋى مۇمكىن. جولاۋشىلارعا رەيستەر جايلى الدىن الا اقپارات الىپ وتىرۋدى ۇسىنامىز", – دەپ مالىمدەدى مينيسترلىك.
قورعانىس مينيسترلىگى ەنگىزىلگەن شەكتەۋلەرگە تۇسىنىستىكپەن قاراۋدى، جالعان اقپارات تاراتپاۋعا جانە تەك رەسمي دەرەككوزدەرگە سۇيەنۋگە شاقىردى.
