اباي وبلىسى ءۇرجار اۋدانى قالىڭ قار استىندا قالدى. تۇرعىندار الەۋمەتتىك جەلىلەردە ۆيدەولارىن جاريالاپ جاتىر، دەپ حابارلايدى «ادىرنا» ءتىلشىسى.
ءۇش كۇننىڭ ىشىندە جاۋعان قار قالىندىعى تاۋلى ايماقتاردا ءبىر مەتردەن اسقان. ال جازىق جەرلەردە 50-60 سم دەيىن قار تۇسكەن. قالىڭ قاردان اعاشتار سىنىپ، ەلەكتر جەلىلەرى ۇزىلگەن.
«قازىرگى تاڭدا 35 ەلدى مەكەندە 87 ارنايى تەحنيكا جۇمىلدىرىلىپ، قار تازالاۋ جۇمىستارى اتقارىلىپ جاتىر. ءۇرجار اۋىلىنىڭ وزىندە 118 كوشەنىڭ 70 پايىزى تازالاندى. بۇل جۇمىس ءالى دە جالعاسىن تابادى. ءبىرىنشى كەزەكتە الەۋمەتتىك ماڭىزى بار نىسانداردىڭ تازالىعى قامتاماسىز ەتىلدى. جەتىنشى ناۋرىزدا 5 ەلدى مەكەندە ەلەكتر قۋاتى سونگەن بولاتىن. قازىرگى تاڭدا تولىعىمەن ىسكە قوسىلدى. بارلىق جاعداي مەنىڭ تىكەلەي باقىلاۋىمدا. وسىعان قاتىستى اۋدان تۇرعىندارىنا تۇسىنىستىك تانىتۋلارىڭىزدى سۇرايمىن»،—دەپ ءتۇسىندىردى اۋدان اكىمى اقىلبەك باشىمباەۆ.
ايتا كەتەيىك، قۇتقارۋشىلار وتكەن تاۋىلىكتە جولدا قالعان 318 ادامدى ەۆاكۋاتسيالاعان بولاتىن.
View this post on Instagram
<
