Abai oblysy Ürjar audany qalyŋ qar astynda qaldy. Tūrǧyndar äleumettık jelılerde videolaryn jariialap jatyr, dep habarlaidy «Adyrna» tılşısı.
Üş künnıŋ ışınde jauǧan qar qalyndyǧy tauly aimaqtarda bır metrden asqan. Al jazyq jerlerde 50-60 sm deiın qar tüsken. Qalyŋ qardan aǧaştar synyp, elektr jelılerı üzılgen.
«Qazırgı taŋda 35 eldı mekende 87 arnaiy tehnika jūmyldyrylyp, qar tazalau jūmystary atqarylyp jatyr. Ürjar auylynyŋ özınde 118 köşenıŋ 70 paiyzy tazalandy. būl jūmys älı de jalǧasyn tabady. Bırınşı kezekte äleumettık maŋyzy bar nysandardyŋ tazalyǧy qamtamasyz etıldı. Jetınşı nauryzda 5 eldı mekende elektr quaty söngen bolatyn. Qazırgı taŋda tolyǧymen ıske qosyldy. Barlyq jaǧdai menıŋ tıkelei baqylauymda. Osyǧan qatysty audan tūrǧyndaryna tüsınıstık tanytularyŋyzdy sūraimyn»,—dep tüsındırdı audan äkımı Aqylbek Bäşımbaev.
Aita keteiık, qūtqaruşylar ötken täuılıkte jolda qalǧan 318 adamdy evakuasiialaǧan bolatyn.
<View this post on Instagram
