Abaı oblysy Úrjar aýdany qalyń qar astynda qaldy. Turǵyndar áleýmettik jelilerde vıdeolaryn jarııalap jatyr, dep habarlaıdy «Adyrna» tilshisi.
Úsh kúnniń ishinde jaýǵan qar qalyndyǵy taýly aımaqtarda bir metrden asqan. Al jazyq jerlerde 50-60 sm deıin qar túsken. Qalyń qardan aǵashtar synyp, elektr jelileri úzilgen.
«Qazirgi tańda 35 eldi mekende 87 arnaıy tehnıka jumyldyrylyp, qar tazalaý jumystary atqarylyp jatyr. Úrjar aýylynyń ózinde 118 kósheniń 70 paıyzy tazalandy. bul jumys áli de jalǵasyn tabady. Birinshi kezekte áleýmettik mańyzy bar nysandardyń tazalyǵy qamtamasyz etildi. Jetinshi naýryzda 5 eldi mekende elektr qýaty sóngen bolatyn. Qazirgi tańda tolyǵymen iske qosyldy. Barlyq jaǵdaı meniń tikeleı baqylaýymda. Osyǵan qatysty aýdan turǵyndaryna túsinistik tanytýlaryńyzdy suraımyn»,—dep túsindirdi aýdan ákimi Aqylbek Báshimbaev.
Aıta keteıik, qutqarýshylar ótken táýilikte jolda qalǵan 318 adamdy evakýaııalaǵan bolatyn.
View this post on Instagram
<
