الماتى اۋەجايىندا ەرلىك كورسەتكەن مۇسا ءابدىرايىموۆ كەپىلدىككە الىنعان قىزبەن كەزدەستى. بۇل تۋرالى قۇتقارۋشى الەۋمەتتىك جەلىدەگى پاراقشاسىندا جازدى، دەپ حابارلايدى «ادىرنا» ءتىلشىسى.
«كەشەگى اۋەجايدا بولعان جاعدايدى ءبارىڭىز كورگەن بولارسىزدار، بۇگىن قارىنداسىمىزدىڭ جاعدايىن ءبىلىپ قايتتىق. اللاعا شۇكىر، ءبارى جاقسى. الداعى كۇندەرىمىز تەك جارىق ءارى تىنىش بولسىن!»— دەدى ول.
ەسكە سالايىق، 7 ناۋرىزدا الماتى اۋەجايىندا ەر ادام اۋەجاي قىزمەتكەرىنە پىشاق تاقاپ، كەپىلگە العان ەدى. سول ماڭداعى بەيتانىس ادام قاسكۇنەمدى اڭگىمەگە اينالدىرا وتىرىپ، ءساتى كەلگەندە قولىنان پىشاقتى جۇلىپ العان بولاتىن. كەيىننەن قۇتقارۋشى ازاماتتىڭ 52 جاستاعى مۇسا ءابدىرايىموۆ ەكەنى انىقتالدى.
